Rrugët më të sigurta për makinat në Evropë – Zvicra në vend të parë

Me vetëm 1.71 vdekje në trafik për 100,000 banorë, me vendin e tretë për nga cilësia e rrugëve në botë dhe me një rrjet të dendur rrugor...

Një studim i ri hedh një vështrim nga afër mbi 33 vende evropiane dhe shqyrton se sa i sigurt dhe i zhvilluar është transporti në vendet përkatëse, transmeton albinfo.ch. Zvicra del me rezultatet më të mira.

Sipas studimit të Shoqatës Ndërkombëtare të Shoferëve, Zvicra është vendi më i mirë për shoferët në Evropë. Studimi ka shqyrtuar numrin e makinave për banorë, cilësinë e rrugëve dhe dendësinë e rrjetit, numrin e vdekjeve në rrugë dhe çmimet e karburantit në 33 vende.

1. Zvicra
Me vetëm 1.71 vdekje në trafik për 100,000 banorë, me vendin e tretë për nga cilësia e rrugëve në botë dhe me një rrjet të dendur rrugor (204 kilometra rrugë për 100 kilometra katrorë), Zvicra mori numrin më të madh të pikëve në listë, shkruan 20minuten.ch. Në Zvicër numërohen 604 vetura për 1000 banorë, nga të cilat studimi del në përfundimin se bllokimi i trafikut është relativisht i ulët.

2. Holanda
Holanda ka mbingarkesë të ulët trafiku, një rrjet të dendur rrugor me 332 kilometra rrugë për 100 kilometra katrorë dhe gjithashtu cilësi pak më të mirë të rrugëve, transmeton albinfo.ch. Për shkak se çmimet e benzinës janë më të larta dhe më shumë njerëz vdesin në trafikun rrugor – domethënë 2.83 për 100,000 banorë – Holanda renditet e dyta.

3. Belgjika
Në vendin e tretë është Belgjika, e cila me rrjetin e saj të dendur rrugor prej 388 kilometrash rrugë për 100 kilometra katrorë, arrin vlerën më të lartë nga të gjitha vendet evropiane. Por 5.1 në çdo 100,000 njerëz në Belgjikë vdesin në trafik – ky është një numër relativisht i lartë – dhe cilësia e rrugëve nuk është aq e mirë, kjo është arsyeja pse Belgjika vjen vetëm në vendin e tretë.

---