Propozohet që Rusia të ndalojë gazin për Evropën

Në Rusi po planifikojnë të ndëshkojnë Bashkimin Evropian për sanksione jo miqësore kundër rusëve.

Deputeti i Dumës së Shtetit (Parlamenti rus) nga rajoni i Krimesë, Mikhail Sheremet, propozoi ndalimin e përkohshëm të eksporteve të gazit në vendet e BE-së.

“Si përgjigje ndaj veprimeve të tyre jomiqësore, unë besoj se ne duhet të përgjigjemi me sanksione të ashpra”, deklaroi Sheremet, sipas mediave ruse.

Sipas tij, furnizimet me gaz duhet të ndërpriten derisa Bashkimi Evropian të kuptojë se politika agresive ndaj Moskës është “shkatërruese dhe e dënueshme”, transmeton ap, përcjell Albinfo.ch.

Më herët, presidenti ukrainas, Volodymyr Zelensky, i bëri thirrje Perëndimit që të vendosë një embargo ndaj energjisë nga Federata Ruse.

“Ukraina nuk ka kohë për të pritur”, theksonte ai.
Presidentja e Parlamentit Evropian u shpreh sakaq se varësia e BE-së nga burimet energjetike të Kremlin-it po financon luftën në Ukrainë.

---