Kuriozitete
Sa kohë ju nevojitet për të larguar një ‘ves’
Kjo kohëzgjatje në fakt vjen nga një libër mjaft popullarizuar i 1960, i quajtur “Psiko – Kibernetikë” nga Maxwell Maltz
Nga larja e përditshme e dhëmbëve, te zgjimi i vonë, lënia e duhanit apo sa e sa të tjera – të gjithë kanë dhjetëra zakone me të cilat mbushin përditshmërinë apo rutinën, shpesh duke qenë të vetëdijshëm për zakonet që kanë, e herë të tjera jo.
Ndër shumëllojshmërinë e zakoneve, ekziston një ndarje midis atyre që quhen zakone të mira dhe atyre të ashtuquajtura “vese”, zakonet me të cilat njerëzit mund të shtyjnë jetën duke i luftuar, e mbase nuk ja dalin me sukses.
Megjithatë, sipas studimeve, për të hequr dorë nga një zakon gjithçka që nevojitet është një periudhë kohore prej 21 ditësh. Kjo kohëzgjatje në fakt vjen nga një libër mjaft popullarizuar i 1960, i quajtur “Psiko – Kibernetikë” nga Maxwell Maltz, një kirurg plastik i cili vuri re se pacientëve të tij ju duheshin 21 ditë për t’u mësuar me fytyrat e tyre të reja, transmeton Scan, përcjell albinfo.ch.
Sidoqoftë, sipas një studimi më të kahershëm të vitit 2009, koha e saktë për të formësuar një zakon apo për t’a “zhdukur” atë njëherë e përgjithmonë, nuk është kaq precize në të vërtetë.
Studiues të Universitetit “College” London, ekzaminuan zakonet e reja të 96 njerëzve gjatë 12 javëve dhe zbuluan se koha mesatare që duhet për të marrë një zakon të ri është 66 ditë dhe ndër të tjera, përpos kësaj mesatarja, koha individuale varjonte nga 18 në plot 254 ditë.
Nga shkrirja e të dy studimeve, më e sakta për t’u thënë do të ishte se nuk duhet të dëshpëroheni në rast se nuk arrini të hiqni dorë për tre javë nga një ves, pasi më e zakonta, sipas të dy studimeve, është periudha 2 mujore.
Të ngjashme
Të tjera nga Kuriozitete
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë