Sa pinë alkool zviceranët?

(KESTONE/Christof Schuerpf)

Referuar statistikave, në janar shitjet në Galaxus ranë me 53%, përcjell albinfo.ch.

Muaji janar, shkruajnë mediat zvicerane, ka qenë ndër muajt më me pak konsumim alkooli. Heqja dorë nga alkooli në muajin janar, ndoshta pas argëtimit të festave të fundvitit, duket se po fiton ndjekës në Zvicër, të paktën nëse besojmë në të dhënat e xhiros së pijeve Galaxus. Shitjet e pijeve alkoolike raportohen të kenë rënë me 53%, krahasuar me një muaj tradicionalisht të fortë dhjetor.

Referuar statistikave të publikuara sot nga gjiganti i tregtisë online, i kontrolluar nga Migros, (i cili nga ana e tij nuk shet alkool në supermarketet e tij), ajo që ka pësuar rënien më të theksuar është vera, e cila sheh rënie të xhiros me 80%. Shampanja dhe verërat e tjera të gazuara shënuan -66%, uiski dhe produkte të ngjashme nga -58% në -54%, ndërsa tkurrja e birrës (-43%) dhe vodkës (-41%) ishte më pak e rëndësishme.