Lajme

Sa viza u lëshuan gjatë vitit 2021 për në Zvicër?

95 përqind e vizave të lëshuara nga Ambasada e Zvicrës me seli në Kosovë ishin për bashkim familjar

Shumë të rinj gjatë vitit 2021 kanë marrë rrugën për ndonjë shtet tjetër.

Vetëm brenda 11 muajve të vitit 2021, Ambasada e Zvicrës në Kosovë ka lëshuar 12 mijë e 842 viza.

Këto viza të lëshuara nga Ambasada e Zvicrës në Kosovë janë të llojit: vizitë familjare, turizëm, por edhe 90 ditë pa të drejtë pune.

E sipas të njëjtëve, deri në fund të vitit 2021 lëshohen rreth 15 mijë viza të llojit C.

Deri në fund të nëntorit të këtij viti janë lëshuar 12843 viza të llojit C (vizitë familjare, turizëm, 90 ditë pa të drejtë pune). Deri në fund të vitit do të lëshohen rreth 15000 viza të llojit C”, raporton lajmi.net.

Por 95 për qind e vizave të lëshuara nga Ambasada e Zvicrës me seli në Kosovë ishin për bashkim familjar.

Shumë kosovarë, të cilët duan të bashkohen me më të dashurit e tyre, të cilët jetojnë në Zvicër pa dyshim se duhet të plotësojnë një sërë kërkesash në mënyrë që të arrijnë pajisjen me vizë nga Ambasada zvicerane.

“Shumica sosh janë viza të llojit C të lëshuara për qëllime vizitash familjare, ndërsa sa u përket vizave të llojit D (bashkim familjar, viza pune, viza studentore) – 95% sosh janë lëshuar për bashkim familjar”, u theksua nga Zyra për Informim e ambasadës.

Nga viti në vit aplikimi për viza në shtetin zviceran është rritur. Psh, gjatë vitit 2019 ishin gjithsej 2 mijë e 334 kosovarë, të cilët ishin pajisur me viza nga Ambasada e Zvicrës.