Lajme
“SAE”, Kultura shqiptare, në prag të nëntorit, me iniciativa promovuese
Vlerat kulturore janë krijuar dhe vazhdojnë të krijohen gjatë tërë procesit të zhvillimit të shoqërisë njerëzore. Krijimin e vlerave kulturore shqiptare e kanë mundësuar shumë faktorë që sot ne duhet t’i gëzojmë dhe t’i festojmë në mënyrën më të mirë.
Normat kulturore luajnë rol të rëndësishëm për funksionimin e shoqërisë, andaj me rastin e festave të 28-29 Nëntorit dhe të fundvitit, shoqata “Swiss Albanian Event” – “SAE”, ndërmerr një iniciativë motivimi dhe promovimi kulturor, ku ju prezantojmë një kartolinë të veçantë urimi me tri simbolet e kombit tonë: Flamurin, Gjergj Kastriot Skënderbeun dhe Nënë Terezën.
Kjo iniciativë mbështetet edhe nga Ambasada e Republikës së Shqipërisë në Bernë, shkruan albinfo.ch.
Në këtë mënyrë bëjmë të mundur promovimin e vendit dhe vlerave tona nëpërmjet urimit të drejtuar miqve dhe klientëve tuaj.
Të ardhurat nga shitja e kartolinave do të mbështetesin nismën “Dhuro një lule”, e cila do të ofrojë pikturën origjinale, të realizuar nga piktorja dhe fotografja Ermira Kaso.
Kjo pikturë do të prezantohet në ankand në janar të vitit 2021.
Të ardhurat e përfituara nga ankandi do t’i dhurohen Fondacionit “DSA” – “Down Syndrome Albania”, në ndihmë të nevojave për fëmijët me sindromën Down.
Ju lutemi, porosisni kartolinat deri më 15 nëntor, për t’u uruar festat magjike të fundvitit miqve tuaj.
“Swiss Albania Event” – SHOQATA KULTURORE INTEGRUESE, ka filluar aktivitetin në Lozanë të Zvicrës në prill të 2017-ës me qëllim kryesor promovimin e kulturës, traditës dhe artit shqiptar në Zvicër dhe Europë.
“Swiss Albania Event” është gjithëpërfshirëse dhe e kudondodhur në çdo organizim, ku promovimi i këtyre vlerave bëhet i mundur.
Me respekt
Aina Hoti
Drejtoreshë Ekzekutive
Swiss Albania Event
+41 786415058
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale