Lajme
Santorini: Mijëra ikin nga ishulli grek mes paralajmërimeve për tërmete

Qindra njerëz mbushën një port në ishullin grek të Santorinit në orët e para të mëngjesit të së martës me shpresën për të hipur në një traget për të sigurt.
Më shumë njerëz pritej të fluturonin më vonë të martën pasi linjat ajrore krijuan fluturime speciale dhe kompanitë e transportit dërguan tragete shtesë.
Qindra lëkundje janë regjistruar midis ishujve vullkanikë Santorini dhe Amorgos në detin Egje që nga e premtja.
Të martën në mëngjes, tërmetet e rregullta, vetëm disa minuta larg njëri-tjetrit, vazhduan të tronditnin rajonin.
Vendasit po ikin nga Santorini dhe ishujt fqinjë të Anafi, Ios dhe Amorgos – të gjitha pikat e njohura të pushimeve verore – mes frikës se lëkundjet mund të çojnë në një tërmet më të madh.
“Unë nuk kam fjetur për ditë të tëra Fëmijët dhe gratë po qajnë, po dridhet çdo pesë minuta,” tha një burrë që u largua nga Santorini me traget, për agjencinë e lajmeve Reuters.
Rreth një e treta e 16,000 banorëve të Santorinit janë larguar përkohësisht nga ishulli, sipas DPA, një agjenci gjermane e lajmeve.
“Gjithçka është e mbyllur. Askush nuk punon tani. I gjithë ishulli është zbrazur,” tha Dori, një banore 18-vjeçare për Reuters përpara se të hipte në traget.
Autoritetet kanë dërguar ekipe shpëtimi në Santorini dhe tre ishuj aty pranë deri të premten, si masë paraprake. Autoritetet kanë mbyllur edhe shkollat,
Kryeministri grek Kyriakos Mitsotaki të hënën u kërkoi njerëzve të qëndrojnë të qetë dhe të ndjekin udhëzimet nga autoritetet. Njerëzve u është kërkuar të shmangin grumbullimet e mëdha të brendshme dhe të qëndrojnë jashtë zonave bregdetare për shkak të rrezikut të rrëshqitjeve të dheut.
Hoteleve dhe shtëpive u është thënë që të zbrazin pishinat e tyre, pasi vëllime të mëdha uji mund të destabilizojnë ndërtesat në rast të një tërmeti të madh.
Tërmeti më i fortë deri më tani ka arritur të hënën pasdite me magnitudë 4.9 ballë të shkallës Rihter.
“Ne po monitorojmë situatën nga afër, por në këtë fazë, nuk ka asnjë arsye për panik,” tha për faqen greke të lajmeve eKathimerini, Efthymios Lekkas, presidenti i Organizatës së Planifikimit dhe Mbrojtjes nga Tërmeti të Greqisë.
“Ndërsa këto tërmete janë shqetësuese, ata ende nuk tregojnë ndonjë shpërthim të afërt vullkanik apo ngjarje katastrofike”, tha ai.
Eksperti i sizmologjisë Manolis Skordilis nga Universiteti Aristotele i Selanikut e quajti aktivitetin intensiv sizmik të vërejtur në Santorini “jashtëzakonisht serioz”, njoftoi agjencia greke e lajmeve Amna.
Sidomos, tha ai, pasi tërmetet me madhësi më shumë se shtatë të shkallës Rihter shkaktuan një cunami dhe çuan në dëme të konsiderueshme./DW
E-Diaspora
-
20 vjet pasi ka kryer një vrasje në Zvicër, kosovarit i jepet leja e qëndrimit "Ai ka një vend pune dhe gruaja e tij nuk varet më nga mirëqenia sociale. Prandaj,...
-
Gjykata Federale vendos për dëbimin e familjes kosovare nga Gjeneva: UPG reagon
-
KQZ: Janë mbi 84 mijë vota nga diaspora
-
Shqiptarja, kolonele e suksesshme në forcat ajrore në SHBA
-
Shqipëri: Mbi 184 mijë kërkesa për regjistrime nga jashtë, 117 016 të miratuara
Jeta në Zvicër
-
20 vjet pasi ka kryer një vrasje në Zvicër, kosovarit i jepet leja e qëndrimit "Ai ka një vend pune dhe gruaja e tij nuk varet më nga mirëqenia sociale. Prandaj,...
-
Rregullat që duhet të respektoni kur bëni ski në Zvicër
-
Banorët e Valisit synojnë të thyejnë rekordin për konsumim të Raclette-s
-
A ua lehtëson prindërve të bëhen zviceranë lindja e një fëmije në Zvicër?
-
Një tjetër ligj i ri i Gjenevës “krijon konfuzion”