Lajme
SBB do të kompensojë biletat për çdo vonesë prej 5 minutash të trenit
Ndonëse trenat e SBB-së aktualisht janë më të përpiktë se kohë më parë, megjithatë, dhjetëra trena arrijnë me më shumë se pesë minuta me vonesë
200 klientë të zgjedhur me e-mail për testim nga SBB do të marrin gjithmonë një të katërtën e çmimit të biletës nga fundi i shtatorit deri në fund të tetorit nëse treni vonon më shumë se pesë minuta. Ndërsa më shumë se gjysma e çmimit të biletës do të paguhet kur treni vonohet dhjetë minuta e më shumë, shkruan srf.ch.
Ndonëse trenat e SBB-së aktualisht janë më të përpiktë se kohë më parë, megjithatë, sipas platformës së transportit publik “pünktlichkeit.ch”, dhjetëra trena arrijnë me më shumë se pesë minuta me vonesë.
Një ofertë fitimprurëse kjo, veçanërisht për ata që udhëtojnë shpesh me tren, thotë Thomas Ammann nga shoqata e transportit publik Alliance Swisspass, e cila është përgjegjëse për testin pilot, transmeton albinfo.ch.
Edhe klientët që kanë GA (abonament gjeneral) gjithashtu kompensohen. Nëse jeni ata, me rastin e vonesë së trenit, do të marrin të paktën pesë franga ose vlerën ditore të abonamentit të tyre. Me kartelën e udhëtimit GA të klasit të dytë, kjo i bie të jetë rreth dhjetë franga.
Ammann nga Alliance Swisspass pranon se ekziston një potencial i caktuar për abuzim këtu, pasi klienti i GA nuk mund të tregojë një biletë për të provuar se ai ishte në të vërtetë në trenin e vonuar.
Aleanca Swisspass supozon se skema e re e kompensimit do t’i kushtojë transportit publik me shifra milionëshe në vitin e ardhshëm, pra pas fazës testuese, kur kjo skemë do të hyjë në fuqi për të gjithë klientët, përcjell albinfo.ch. Kjo pavarësisht nga fakti që e drejta për kompensim vlen vetëm në rast të vonesë prej një ore.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit