Scholz ‘solidarizohet’ me Steinmeierin, refuzon vizitën në Ukrainë

Një veprim i tillë vjen pak kohë pasi Ukraina refuzoi të pranonte në vizitë presidentin gjerman, Frank-Walter Steinmeier

Kancelari gjerman Olaf Scholz nuk dëshiron të udhëtojë në kryeqytetin e Ukrainës, Kiev për momentin, sepse pala ukrainase refuzoi kërkesën për vizitë të presidentit Frank-Walter Steinmeier.

“Refuzimi i ftesës së presidentit gjerman ishte ‘një proces shumë i jashtëzakonshëm’, i cili sapo ishte rizgjedhur me një shumicë të madhe”, tha kancelari gjerman tha Scholz për rrjetin televiziv ZDF.

Lidhur me qëllimin e udhëtimit të tij në Ukrainë, Scholz theksoi se “kjo paraqet një pengesë”.

“Nuk mund të jetë e pranueshme që një vend që ofron kaq shumë ndihmë ushtarake, ofron aq shumë ndihmë financiare që nevojiten kur bëhet fjalë për garancitë e sigurisë që janë të rëndësishme për kohën që po kalon Ukraina dhe të ardhmen e saj dhe të thoni: ‘Por, presidenti nuk duhet të vijë’”, tha ai.

Vizita e planifikuar e Steinmeier-it dështoi në mes të prillit sepse pala ukrainase e refuzoi vizitën e tij. Ai donte të shkonte në Kiev me krerët e shteteve të Polonisë, Letonisë, Estonisë dhe Lituanisë, të cilët përfundimisht udhëtuan pa të.

Presidenti gjerman është kritikuar nga Kievi për politikën e tij të mëparshme ndaj Rusisë si ministër i Jashtëm.

Ndërkohë, Steinmeier ka pranuar gabime në vlerësimin e presidentit rus Vladimir Putin dhe në vlerësimin e tij për projektin e gazsjellësit “Nord Stream 2”.

LAJME INTERESANTE NGA INTERNETI