Së shpejti hapet rruga Stançiq-Bellanoc

Me këtë pikë kufitare rruga për në Kumanovë për Gjilanin shkurtohet për më shumë se 1 orë

Një pikë e re kufitare ndërmjet Kosovës dhe Maqedoni, do të hapet në fillim të javës së ardhshme, njofton Ministra Kosovare e Punëve të Brendshme (MPB). Kjo pikë kufitare do të hapet ndërmjet fshatrave Stançiq dhe Bellanoc, në malësinë e Karadakut.

“Ministri i Punëve të Brendshme, Bajram Rexhepi dhe ministrja e Punëve të Brendshme e Republikës së Maqedonisë, Gordana Jankullovska të hënën, në ora 12:00, do të nënshkruajnë Marrëveshjen për hapjen e pikës së re kufitare të përbashkët, për udhëtim ndërkombëtar, Bellanoc-Stançiç”, njofton MPJ.

Ndryshe, kjo pikë kufitare është konsideruar shumë e rëndësishme sidomos për banorët e rajonit të Anamoravës, Vitisë, Zhegrës dhe Gjilanit. Banorët e këtyre fshatrave për të shkuar në Kumanovë, është dashtë të bëjnë një odisejadë, duke kaluar nëpër Kaçanik, han i Elizit-Shkup.

Me këtë pikë kufitare rruga për në Kumanovë për Gjilanin shkurtohet për më shumë se 1 orë. Nga pjesa e Kosovës rruga nëpër Zhegër-Shurdhan- Stançiq është përfunduar ka disa vjet, ndërsa ka mbetur e papërfunduar rruga nga ana e Maqedonisë