Ekonomi

Sektori i ndërtimit në Evropë shënon rritje

Prodhimi në sektorin e ndërtimit u rrit me 3.4 për qind në vendet që përdorin euron, duke krahasuar të dhënat e qershorit të këtij viti me të njëjtin muaj të vitit paraprak.

Në nivelin e 28 shteteve anëtare të BE-së, kjo rritje ishte 3.6 për qind, njoftoi Eurostat, përcjell albinfo.ch.

Prodhimi në sektorin e ndërtimit ra në qershor të këtij viti me 0.5 për qind në Eurozonë dhe në BE me 0.2 për qind krahasuar me majin e këtij viti.

Ndër vendet anëtare, të dhënat e të cilëve janë në dispozicion, Eurostat tha se prodhimi i reduktuar në ndërtim u regjistrua në Gjermani (1 për qind), Belgjikë dhe Francë (0.7 për qind) dhe Mbretërinë e Bashkuar (0.2 për qind).
Rritjet më të mëdha në produktivitetin e këtij sektori regjistrohen nga Sllovenia (12.1 për qind), Spanja dhe Sllovakia (2.2 për qind) dhe Polonia (2.1 për qind).

Gjithashtu, siç thonë ata, një rritje u vërejt në Hungari, Suedi dhe Poloni.