Serbët në veri ndërpresin protestat për taksën 100%

Shkuarja e liderëve serbë në Beograd për t’u takuar me presidentin e Serbisë, Aleksandër Vuçiq, ka bërë që protesta e paralajmëruar për sot në veri të Kosovës për të kundërshtuar taksën për mallrat serbe të mos mbahet.

Kryetari i Listës Serbe, Goran Rakiq, para shkuarjes në Beograd kishte thënë se qëllimi i vizitës është koordinimi i serbëve në veri kundër autoriteteve qeveritare të Kosovës, shkruan Albinfo.ch

E presidenti i Serbisë, Aleksandar Vuçiq, është ankuar se Kosova po sillet në mënyrë të padrejtë. “Ata në mënyrë qytetëruese e demokratike kanë protestuar kundër masave të Kosovës. Unë do t’i ftoj ata që t’i vazhdojnë protesta paqësore. Kemi popullin që është i gatshëm ta ruajë territorin vet dhe shtetin që është i gatshëm t’i ndihmojë ata”, ka thënë ai.