Kosova
Sesioni i ditës së tretë të Javës së Bibliotekës: “Strategjia kombëtare e diasporës shqiptare”
“Javës së Bibliotekës në Kosovë”, organizim tradicional që sivjet, në edicionin e 19-të, vjen me temën qendrore “Dokumentimi i kulturës së emigracionit”. Studiues të kësaj fushe, por edhe krijues në emigracion, në hollin e Bibliotekës Kombëtare të Kosovës kanë sjellë gjetje e përvoja të ndryshme për krijimtarinë në emigracion.
Sot, aktivitetet e Javës së Bibliotekës janë zhvilluar gjatë gjithë ditës në qytetin e Prizrenit.
Sesioni i ditës së tretë të Javës së Bibliotekës ishte “Strategjia kombëtare e diasporës shqiptare”, i drejtuar nga znj. Sahadete Sadikaj, drejtoreshë e Bibliotekës së Prizrenit dhe nga znj. Shqipe Canolli.
Kumtesat e këtij sesioni ishin:
“Etniciteti dhe mësimi i gjuhës shqipe dhe i kulturës shqiptare në mërgatë në nivelin e arsimit të detyrueshëm (klasat: 1-9, 12) – Nuhi Gashi, ish-koordinator për mësimin plotësues shqip në diasporë i MASHT-it.
“Roli i diasporës në çlirimin e Kosovës“ – Reshat Sahitaj;
“Veprimtaria e ish të burgosurve politikë në emigracion” – Nuhi Dakaj, nënkryetar i Shoqatës së të Burgosurve Politikë;
“Aktiviteti i Shoqatës kulturore Shqiptare “Aleksandër Moisiu”, Kantoni Republikës së Ticinos – Zvicër” – Sylë Mujaj, themelues dhe kryetar i shoqatës;
Ndërsa, për shkollat shqipe në Gjenevë foli Agim Paçarizi, ish-mësimdhënës dhe ish-kryetar i Lidhjes së Arsimtarëve dhe Prindërve Shqiptarë.
Pjesë e aktiviteteve të kësaj dite ishte edhe hapja e ekspozitës “Dokumente dhe fotografi nga arkivi i shkollës shqipe në kantonin e Gjenevës”, materiale këto që janë ruajtur për vite me radhë nga ish-mësimdhënësi dhe ish-kryetari i Lidhjes së Arsimtarëve dhe Prindërve Shqiptarë, z. Agim Paçarizi.
Pas paraqitjes së këtyre kumtesave e diskutimeve, u vizituan monumentet kulturore në Prizren. /Albinfo.ch
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë