SHKA “Dardania” nga Winterthuri organizon manifestim për nder të pavarësisë së Shqipërisë

Duke ju ftua në festën e përbashkët, ajo ka bërë pregatitjet me kohë për festën e 28 Nëntorit, Ditës së Pavarësisë së Shqipërisë, edhe atë pikërisht për popullatën e gjerë dhe pa kurrfarë çmimi apo interesi komercial, sepse për ju kanë dhënë donatorët tanë, në mënyrë që të fetojmë së bashku krejt shqip!

Manifestimi mbahet më 02 dhjetor 2023, në Hotel Zentrum Töss, Zürcherstrasse 106, 8406 Winterthur, nga ora 19:30.

Kuptohet në fillim me një apero të vogël, për të vazhdua kështu me programin aristik të këngëve dhe valleve krejt thuaja se të reja, me gjithë veshjet kombëtare të trevave tona, të kësaj vatre kulturore tash e 29 vjet të veprimëtarisë së saj.

Natyrisht, është e ftuar edhe diplomacia jonë në Zvicër, ca prej tyre veç se e kanë konfirmuar pjesëmarrjen. Mandej këtë manifestim do ta përcjellin edhe mediat tona në Kosovë dhe Shqipëri, si dhe bashkëpunëtorët tanë në Kosovë me projektin e shkurtër filmik “Mobikino”, të sjellë nga Lavdim Klaiqi. Po ashtu janë të ftuar si mysafirë edhe shoqëritë dhe ansamblet simotra, që veprojnë në Zvicër e gjetiu.

Ju mirëpresim me kënaqësi:

Stafi organizativ i SHKA “DARDANIA”

Numri kontaktues: +41 79672 41 82

 

---