Shaqiri shënon dy gola vendimtar, Baseli lider i ri në Zvicër

Baseli lider i ri në Zvicër falë dy golave të Shaqirit

Xherdan Shaqiri ka qenë sërish vendimtar për skuadrën e Baselit në elitën e futbollit zviceran, përcjell albinfo.ch.

Ylli kosovar ka shkëlqyer në fitoren 2-1  të Baselit ndaj Luzernit, fitore që i ka ngritur në krye të Superligës së Zvicrës gjigantin zviceran.

Mysafirët kaluan të parët në epërsi në minutën e parë me Winkler.

Por në minutën e katërt të ndeshjes, Xherdan Shaqiri barazoi shifrat në 1-1 nga penalltia.

Në pjesën e dytë Shaqiri sërish ishte vendimtar dhe përsëri nga pika e bardhë duke shënuar në minutën e 57-të për 2-1.

Për 76 minuta në fushë, Shaqiri u vlerësua me notën 7,5 nga SofaScore.

Me këta dy gola Shaqiri shkon në kuotën e tetë golave në kampionat dhe ka 11 asistime.

---