SHBA i dhuron Shqipërisë të tjera komplete testimi për COVID-19

Yuri Kim: Aleatët gjithmonë ndihmojnë njëri-tjetrin në raste nevoje

Është bërë e ditur se SHBA-ja nëpërmjet USAID-it i ka dhuruar një tjetër komplet testimesh për COVID-19 si dhe një makinë të automatizuar nxjerrëse, e cila pastron ARN-në, duke mundësuar përpunimin e më shume testeve dhe më shpejt, transmeton albinfo.ch.

Kompletet e testimit i shkojnë ISHP dhe Spitalin Nënë Tereza, teksa tashmë numri i përgjithshëm i dhuruar nga SHBA kundrejt Shqipërisë shkon në 32 mijë e 160.

”SHBA për të ndihmuar Shqipërinë të kryejë më shumë teste për COVID-19, këtë javë USAID/Albania dhuroi komplete të tjera testimi në Institutin e Shëndetit Publik dhe Spitalin Nënë Tereza, duke sjellë numrin e përgjithshëm të testeve të dhuruara nga Shtetet e Bashkuara për popullin shqiptar në 32,160. USAID dhuroi gjithashtu një makinë të automatizuar nxjerrëse e cila pastron ARN-në duke mundësuar stafin e ISHP-së të përpunojë më shumë teste dhe më shpejt. Jemi krenarë që ofrojmë këtë mbështetje ndërkohë që bashkësia botërore vazhdon të luftojë këtë sëmundje, shkruan Usaid Albania.

---