Maqedonia
SHBA-ja dhe Gjermania, pro anëtarësimit të Maqedonisë në NATO
Maqedonia e Veriut ka bërë reformat e duhura për të qenë anëtare e plotë e NATO-s, andaj e ka mbështetjen e plotë të SHBA-së. Kështu deklaron ushtruesja e detyrës ambasadore e SHBA-së, Mikaela Shvajcer – Bllum.
SHBA-ja dëshiron ta shohë Maqedoninë e Veriut së shpejti si anëtaren e 30-të të NATO-s. Kur kjo të ndodhë, ne nuk do të jemi partnerë, por do të jemi aleatë, do të vendosim marrëdhënie më të thella dhe përkushtim të ndërsjellë, tha Mikaela Shvajcer–Bllum, U.D. Ambasadore e SHBA-së.
Mbështetjen ndaj Maqedonisë së Veriut në strukturat euroatlantike, por edhe për integrimin në BE, e përsëriti edhe ambasadori i Gjermanisë, Tomas Gerberih.
Procesi reformues duhet të vazhdojë dhe të thellohet, të tejkalohet ndarja etnike, ndërsa për këtë duhet më tepër të punojnë edhe përfaqësuesit e bashkësive ndëretnike. Ndërsa për reformat e shtetit duhet të fokusohen të gjithë në vend, u shpreh Tomas Gerberih, ambasador i Gjermanisë.
Kryetari i Parlamentit, Talat Xhaferi, deklaroi se pret që në qershor Senati amerikan ta ratifikojë Protokollin dhe vendi këtë vit të jetë anëtare e 30 e NATO-s, shkruan alsatm, përcjell albinfo.ch.
Mendoj se edhe vizita e parë e Këshillit Veriatlantik, në krye me sekretarin e përgjithshëm Jens Stoltenberg, nuk është vetëm vizitë protokollare, por para së gjithash ka rëndësi thelbësore që i përket veprimit tonë të ardhshëm si anëtare e NATO-s, theksoi Talat Xhaferi, kryetar i Kuvendit.
Për disa ditë në vendin tonë do të mbahet stërvitja ushtarake “Goditja vendimtare”, e cila do të jetë njëra nga stërvitjet më të mëdha që nga pavarësia. Ndërkaq të hënën Sekretari i Përgjithshëm, Jens Stoltenberg dhe Këshilli Veri-atlantik i Aleancës do të qëndrojnë për vizitë zyrtare në Shkup.
Të ngjashme
Të tjera nga Maqedonia
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Rritet numri i kopshteve dygjuhëshe në Zvicër Në kopshtin e fëmijëve në shkollën Vignettaz në Freiburg, nëntë fëmijë ulen në një rreth dhe...
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?