SHBA vendos rekord me mbi 1 milion teste COVID-19 në ditë

(KEYSTONE/Jean-Christophe Bott)

Shtetet e Bashkuara vendosën një rekord njëditor me mbi 1 milion teste COVID-19, por vendit i duhen 6 milion deri në 10 milion në ditë për të vënë nën kontroll shpërthimet, sipas ekspertëve të ndryshëm.

Vendi kreu 1,061,411 teste të shtunën. Rekordi vjen pasi testimi ka rënë për disa javë. Shtetet e Bashkuara testuan mesatarisht 650,000 njerëz në ditë në javët e kaluara, ndërsa në fund të korrikut u testuan mbi 800,000 njerëz në ditë, shkruan “Reuters”, përcjell albinfo.ch

Që nga fillimi i pandemisë, mungesat e testimit kanë penguar përpjekjet për të frenuar përhapjen e virusit.