Lajme

Shefi i NATO-s: Veprimet e fundit të Rusisë, ‘përshkallëzimi më serioz’ deri tani

Lëvizjet e fundit nga Rusia përbëjnë përshkallëzimin më serioz të konfliktit që nga fillimi i luftës, tha sekretari i përgjithshëm i NATO-s, Jens Stoltenberg.

Ai dënoi aneksimin e territorit ukrainas, duke e quajtur atë “të paligjshëm”, transmeton Telegrafi.

“Putini ka mobilizuar qindra mijëra trupa të tjera, është angazhuar në kërcënime të papërgjegjshme bërthamore dhe tani ka aneksuar ilegalisht më shumë territor ukrainas. Së bashku, kjo përfaqëson përshkallëzimin më serioz që nga fillimi i luftës”, tha Stoltenberg në një konferencë shtypi.

Ai paralajmëroi gjithashtu se lufta është në një “moment kyç” dhe se vendimi për të aneksuar më shumë territor shënon “përshkallëzimin më serioz që nga fillimi i luftës”.

I pyetur nëse trupat ukrainase duhet të shmangin sulmin ndaj rajoneve të aneksuara, ai tha: “Ata mund të mbrohen, gjithashtu mund të vazhdojnë të çlirojnë territorin”.