Shisnin pasaportën bullgare, kapet grupi kriminal zyrtar

Brenda javës mesatarisht janë shpërndarë 30 pasaporta bullgare për një çmim prej 5000 eurove. Për këtë akuzohen 20 të pandehur.

Prokuroria bullgare ka nisur hetimet për disa nënpunës shtetërorë, të cilët akuzohen se kanë dhënë pasaportën europiane në këmbim të parave. Ata akuzohen për lidhje kriminale dhe falsifikimin e dokumentave si dhe për keqpërdorimin e detyrës zyrtare, shkruan “Der Spiegel”.

Mijëra të huaj kanë përfituar pasaportën bullgare në këmbim të parave. Kjo ka mundësuar për punësime të shpejta të të huajve në Perëndim dhe lëvizjen e lirë në zonën Shengen. Këto pasaporta të falsifikuara janë dhënë kryesisht për shtetasit e Ukrainës, Moldavisë dhe Maqedonisë, përcjell albinfo.ch.

Brenda javës mesatarisht janë shpërndarë 30 pasaporta bullgare për një çmim prej 5000 eurove. Për këtë akuzohen 20 të pandehur.

Pasaporta bullgare është bërë ndër më të preferuarat për komunitetin sllav në Ballkanin Perëndimor, por jo vetëm. Gjatë vitit të kaluar janë shpërndarë 115 mijë pasaporta bullgare.

---