Integrimi
Shkolla gjermane, edhe zyrtarisht me emrin e shqiptarit, “Refik Veseli”
Për ditën e pagëzimit të shkollës jane ftuar edhe familjarët e Refik Veselit, i cili ka ndërruar jetë në vitin 2000
Më 8 tetor, një shkollë gjermane në Berlin edhe zyrtarisht pagëzohet me emrin “Refik Veseli” në nderim të shqiptarit me këtë emër, i cili gjatë Luftës së Dytë Botërore kishte shpëtuar një familje hebrenje. Ai, si një djalë i ri, duke rrezikuar veten dhe familjen e tij, e kishte strehuar familjen hebrenje e cila mund të deportohej në kampet naziste të përqendrimit. Refik Veseli për veprën e tij të guximshme është nderuar nga muzeu i holokaustit “Yad Vashem” me titullin “I drejti në mes të popujve”.
Nxënësit e shkollës sekondare (shkolla fillore, cikli i lartë), me rastin e një vizite para disa vitesh në Yad Vashem kishin hasur në emrin e Refik Veselit, shkruan berlinerwoche.de. Me t`u kthyer, ata propozuan që shkolla e tyre të merrte emrin e përmendur . Në votimin që pasoi, k emër fitoi shumicën. Arsyetimi për këtë propozim ishte: Refik Veseli me angazhimin e tij ka treguar një shembull për humanitetin që nuk varet nga raca ose religjioni.
Për ditën e pagëzimit të shkollës jane ftuar edhe familjarët e Refik Veselit, i cili ka ndërruar jetë në vitin 2000. Me këtë rast do të jepet edhe shfaqja me titullin “Fndet Refik” (Gjejeni Refikun).
Shkolla e cila e merr emrin e ri gjendet në lagjen “problematike” Kreuzberg të Berlinit, ku janë përqendruar më shumë të huajt. Edhe vetë shkolla e vuan imazhin e një shkolle problematike, ndërsa emërtimi i saj i ri hyn në mesin e masave që kjo shkollë po merr për përmirësimin e imazhit.
Të tjera nga Integrimi
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter