Lajme

Shkolla Shqipe në Zvicër – Tani edhe me orë mësimore Online

Nga fillimi i janarit 2021, pas shtrëngimit të masave kundër pandemisë në Kantonin e Cyrihut, në shkollat në Kantonin e Cyrihut është kaluar në mësimin online

“Shkolla Shqipe në Zvicër” vitin e kaluar ka hapur disa shkolla të reja shqipe në Zvicër. Tani në kohë pandemie, veçanërisht në Kantonin e Cyrihut, me kufizimet e reja, ku pezullohen mësimet në klasa,  kjo shkollë kalon me orët mësimore online.

Mësuesi Vaxhid Sejdiu së bashku me nxënësit e Shkollës Shqipe të Regensdorfit, Kantoni i Cyrihut (grupi i parë), në një orë mësimore të gjuhës shqipe online

Angazhimet e shumta në hapjen e shkollave të reja shqipe, menaxhimi i kërkesave të prindërve, kontaktet me drejtoritë e shkollave zvicerane, rritja e numrit të nxënësve dhe angazhimi i stafit pedagogjik janë elemente që këtë shkollë e veçojnë.

Dhe tani në kohën e fundit me rastin e shtrëngimit të masave kundër pandemisë në Kantonin e Cyrihut të Zvicrës dhe, pezullimin e orëve mësimore në klasa, ata kalojnë me mësimet online, gjë që dëshmon për një shkollë serioze, e cila ecën me kohën, thuhet në jë komunikatë të sektorit për informim, të kësaj shkolle.

Nxënësit e Shkollës Shqipe të Volkteswilit, Kantoni i Cyrihut (grupi i dytë)

Në një afat të shkurtër kohor, nga gushti i vitit 2019 dhe deri më sot janë hapur 43 shkolla me 648 nxënës. Shumica e pikave shkollore funksionojnë edhe sot e kësaj dite me prezencë në klasë. Por nga fillimi i janarit 2021, pas shtrëngimit të masave kundër pandemisë në Kantonin e Cyrihut vlen të përmendet se në shkollat në Kantonin e Cyrihut është kaluar në mësimin online.

Dhe ky mësim tani po funksionon. Kjo vihet re në numrin e nxënësve të cilët ashtu sikurse dikur që vinin në klasa, po hynë edhe tani, në orët e rregullat mësimore online. Dallohet veçmas mësuesi Vaxhid Sejdiu që punon me 14 klasa online, të ndara në grupe në bazë të niveleve dhe mësimi zhvillohet normalisht si më parë. Pastaj mësuesja Albulenë Jusufi me 3 klasa, Ardjan Shaqiri me dy klasa, Nora Macula etj., thuhet veç tjerash në njoftimin për shtyp të Sektorit për informim.

Nxënësit e Shkollës Shqipe të Regensdorfit, Kantoni i Cyrihut (grupi i dytë)

 


LAJME INTERESANTE NGA INTERNETI