CH-Ballkani

Shkupi, kryeqyteti më i lirë, Berna në vendin e 33-të

Kryeqyteti zviceran, Berna, është në vendin e 33-të, duke hyrë në mesin e kryeqyteteve më të shtrenjta

Tirana renditet në vendin e 6-të në listën e kryeqyteteve më të lira në Evropë.

Renditja është bërë nga Wanderu, një platformë kërkim-udhëtimesh, që ndihmon udhëtarët me buxhet të shtrënguar për të organizuar udhëtimit e tyre.

Renditja bazohet në një sërë mallrash dhe shërbimesh dhe kostoja mesatare e tyre. Më konkretisht çmimi i pranimit në një muze, kostoja e një filxhan kapuçino, tarifa e taksisë për kilometër, kostoja mesatare e një qëndrimi një natë në një hotel dhe një udhëtim publik me një autobus etj, shkruan ‘Scan’, përcjell albinfo.ch.

Wanderu tregon se Monako është kryeqyteti më i shtrenjtë në Evropë, i ndjekur nga Reykjavik dhe Dublin, përcjell albinfo.ch.

Kryeqyteti më i lirë në Evropë është Shkupi (IRJM), pasuar nga Prishtina (Kosova) dhe Podgorica (Mali i Zi).

Athina renditet mes kryeqyteteve evropiane më të shtrenjta, në vendin e 13-të, mes Lisbonës në  vendin e 12-të dhe Vjenës në vendin e 14.

Kryeqyteti i Gjermanisë, Berlini ndodhet në vendin e 23-të, derisa kryeqyteti zviceran, Berna, është në vendin e 33-të, duke hyrë në mesin e kryeqyteteve më të shtrenjta.

Më shumë nga rendtija në fjalë linku në vijim: wanderu.com