Autotech
Shkurtohen mijëra vende pune nga mbyllja e Honda-s
Honda njoftoi se do ta mbyllte fabrikën e vetme që ka në Evropë në vitin 2021, kohë e cila përkon edhe me ciklin e prodhimit të modelit aktual
Vendimi i prodhuesit të makinave japoneze për të mbyllur fabrikën në Angli do të thotë humbje të rreth 3.500 vendeve të punës.
Honda ka konfirmuar mbylljen e fabrikës së saj Swindon duke i dhënë një tjetër goditje të madhe industrisë së makinave të Britanisë së Madhe përpara Brexit.
Honda njoftoi se do ta mbyllte fabrikën e vetme që ka në Evropë në vitin 2021, kohë e cila përkon edhe me ciklin e prodhimit të modelit aktual.
Fabrika Swindon prodhon 150,000 Honda Civics në vit, shumica e tyre shkon për eksport në BE, gati një e dhjeta e prodhimit të përgjithshëm të automjeteve në Mbretërinë e Bashkuar, transmeton ‘Scan’.
Honda ka të punësuar 3,500 njerëz dhe gjithashtu mbështet shumë punë të tjera në zinxhirin e furnizimit, përcjell albinfo.ch.
“Ky lajm është një goditje veçanërisht e hidhur për mijëra staf të kualifikuar dhe të përkushtuar që punojnë në fabrikë, familjet e tyre dhe të gjithë ata që janë të punësuar në zinxhirin e furnizimit”, tha Greg Clark, sekretar i biznesit në Mbretërinë e Bashkuar, duke shtuar se vendimi i Honda ishte “një vendim shkatërrues” për Swindon dhe Britaninë.
Honda pritet të kthejë prodhimin përsëri në Japoni, pjesërisht sepse mund të garantojë eksport pa tarifa në BE.
Prodhuesit kryesorë të makinave të tilla si Jaguar Land Rover, Ford, Toyota, Nissan dhe BMW, gjithashtu kanë paralajmëruar për ndikimin që do të ketë një Brexit pa marrëveshje.
Të ngjashme
Të tjera nga Autotech
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit