Lajme
Shokuese: 12 gra të vrara brenda këtij viti në Austri
Austria është duke u përballur me një trend trishtues. Vetëm brenda vitit 2021 numërohen 12 viktima gra të vrara
Austria del të jetë shteti i vetëm në Bashkimin Evropian ku gjatë vitit vriten më shumë femra sesa meshkuj. Shumica e këtyre vrasjeve vijnë nga partnerët apo ish-partnerët e tyre. Rasti i fundit ishte vrasja e një 36 vjeçares nga bashkëshorti i saj 44 vjeçar, njofton albinfo.at.
Ngjarja ka ndodhur në Simmering të Vjenës kurse çifti sipas mediave austriake ishte me prejardhje serbe. Sipas llogaritjes së gazetës oe24.at, mesatarisht çdo 11 ditë apo tri gra në muaj vriten në Austri.
Vrasja e grave vazhdon të mbetet një plagë për shoqërinë dhe sfidë për shtetin austriak. Ky trend alarmues ka nxitur debate të shumta në Austri.
Për këtë ka reaguar edhe qeveria austriake. Javën e kaluar në një konferencë të shtypit, kancelari Sebastian Kurz, ministri i Brendshëm Karl Nehammer dhe ministrja e grave, Susanne Raab deklaruan se do të rrisin buxhetin për mbrojtjen e grave.
“Qeveria ka marrë masa të rrepta për të parandaluar krime të tilla. Ne do të vazhdojmë të bëjmë gjithçka që mundemi për të mbrojtur gratë,” ka thënë Kurz. Ndërkohë ministrja Raab gjithashtu njoftoi një rritje të buxhetit për mbrojtjen e grave nga dhuna.
Po ashtu ditë më parë në Vjenë është mbajtur edhe një protestë duke kërkuar më shumë mbrojtje për gratë dhe t’i jepet fund dhunës ndaj tyre.
Krahasuar me vendet tjera të Bashkimit Evropian, Austria është listuar në një nga vendet me shkallën më të lartë të vrasjeve së grave në nivel evropian, përcjell albinfo.at
Sipas statistikave të policisë austriake, në vitin 2020 janë vrarë 31 gra, 39 në vitin 2019, ndërsa viti 2018 ka arritur numrin më të madh të vrasjeve të grave, duke shënuar 41 vrasje.
Krahasuar me vitin 2014, kur kishte 19 vrasje të grave, viteve të fundit ky numër është dyfishuar.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët