Lajme
Shoqata Ardhmëria në Londër feston Pavarësinë e Kosovës
Shoqata Ardhmëria në Londër, në bashkëpunim me Agjencinë Kombëtare të Diasporës dhe shoqatën Peja organizoi një aktivitet kulturor me rastin e 15-vjetorit të Pavarësisë së Republikës së Kosovës, përcjell albinfo.ch.
Aktiviteti u zhvillua në sallën e koncerteve të shkollës shqipe, ku nxënësit e kësaj shkolle nëpërmjet vargjeve, këngëve dhe valleve prezantuan kulturën dhe traditat kombëtare. Aktiviteti vazhdoi me interpretimet e artistëve shqiptarë, ndër të cilët Artisti Bledi Polena përcolli pasurinë e folkut shqiptar, sidomos tek brezat e rinj në diasporë. Gjatë këtij aktiviteti u zhvillua edhe një ekspozitë skenike me kostume dhe veshje tradicionale shqiptare.
Programi i larmishëm që u zhvillua për nder të 15- vjetorit të Pavarësisë së Kosovës, në sallën e koncerteve të shkollës shqipe Ardhmëria, e kjo ishte një nderim për të gjithë.
Festë e organizuar nga Shoqata Ardhmëria me shkollën e saj shqipe (mësues, nxënës, prindër) në bashkëpunim me Agjencinë Kombëtare të Diasporës dhe shoqatën Peja.
Pas ekzekutimit të himneve kombëtare, z.Lutfi Vata, kryetari i shoqatës Ardhmeria, përshëndeti komunitetin shqiptar të pranishëm në sallë dhe ftoi për përshëndetje të ftuarit e nderit: Ambasadorin e Republikës së Shqipërisë, z.Qirjako Qirko.
Një fjalë përshëndetëse u dha nga prof. Fatmir Terziu, nga z. Abedin Bajraktari, nga z. Zenel Hoxha, nga znj. Mirela Thanasi, drejtoresha për Diasporën në Agjencinë Kombëtare, nga znj. Karen Buck, deputete në Parlamentin Britanik, nga Kryetarja e Bashkisë së Barnet, znj. Alison Moor, nga z.Alban Beqiri, kryetar i shoqatës Peja. Gjithashtu erdhën miqtë tanë nga Northampton, zoti Petrit Shahini dhe Naim Cupi.
Në vazhdim programi u paraqit nga aktorja e talentuar Ina Nallbani, e cila performoi para nxënësve të shkollës shqipe Ardhmeria, filizave të familjeve shqiptare, gjenerata e bukur e diasporës që i dhuroi publikut nëpërmjet vargjeve, këngëve dhe valleve urime të dlira. Për t’u falënderuar mësueset Aida Haziri, Anila Kadija, Vlora Vojvoda, Zejnepe Zeneli, Albana Vata.
Vajzat e grupit të valleve Ardhmeria shkëlqyen nën rritmin e valles së Pavarësisë, atë të Krushës së Madhe dhe me potpuri vallesh. Vazhdoi programi nga interpretues dhe artistët e ftuar. Nderim figurës së Halil Alidemajt me një poezi nga libri i tij “ Pa kohë” që në skenë u interpretua nga vajza e tij, znj. Yllka Alidemaj. Në skenë u ngjitën violinisti Izet Hivzolo, Eliona Kodra, Selman Lokal, Burim Turjaka! Kënga popullore e DJ Kastrati dhe Arif Madana ishte e fuqishme. Nga Postriba kishim Goflie Papleka me valltarët. Gjithashtu, Blendi Polena nga Shqipëria. Një ekspozim skenik u bë edhe me disa kostume popullore të ardhura posaçërisht nga Tradita.AL nga Tirana në skenën tonë”, shprehet Lutfi Vata.
E-Diaspora
-
Shqiptarja e veshur me xhubletë diplomon në Universitetin prestigjioz në SHBA Mary Camaj në ditën e saj të diplomimit ka veshur xhubletën, duke marrë kështu pjesë në...
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
Jeta në Zvicër
-
Aksident në Aristau AG mes autobusit dhe makinës Një përplasje e rëndë ka ndodhur në Aristau AG, disa të plagosur ...
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?