Shorti i 7 dhjetorit: Në cilat vazo ndodhen Zvicra, Kosova e Shqipëria

Në shortin e eliminatoreve të Katar 2022 për zonën evropiane që do të hidhet më 7 dhjetor në Cyrih, 5 grupe do të jenë me nga 6 skuadra dhe 5 grupe të tjera me nga 5 skuadra

(AP Photo/Martin Meissner)

Më 7 dhjetor në Cyrih do të hedhet shorti për eleminatoret e Kupës së Botës 2022.

Zvicra ndodhet në vazon e dytë dhe në grup do të ketë një kombëtare më të fortë, të paktën në letër, përcjell albinfo.ch.

Shqipëria ka arritur të fitojë tri vende në renditjen e re të FIFA-s për muajin nëntor pasi pozicionohet e 66-ta me 1360 pikë, por pavarsisht kësaj ka mbetur në vazon e katërt.

Kosova ndërkohë pozicionohet e 117-ta në renditjen e FIFA-s, duke mos ndryshuar asnjë pozicion dhe do të jetë sërish në vazon e pestë.

Kombëtaret e para në grupe do të kualifikohen direkt në Botëror, kurse vendet e dyta do të luajnë në Play-off.

VAZO 1: Belgjika, Franca, Anglia, Portugalia, Spanja, Italia, Kroacia, Danimarka, Gjermania dhe Holanda.

VAZO 2: Zvicra, Uellsi, Polonia, Suedia, Austria, Ukraina, Serbia, Turqia, Sllovakia dhe Rumania

VAZO 3: Rusia, Hungaria, Irlanda, Çekia, Norvegjia, Irlanda e Veriut, Islanda, Skocia, Greqia dhe Finlanda

VAZO 4: Bosnje Hercegovina, Sllovenia, Mali i Zi, Maqedonia e Veriut, Shqipëria, Bullgaria, Izraeli, Bjellorusia, Gjeorgjia dhe Luksemburgu

VAZO 5: Armenia, Qipro, Ishujt Faroe, Azerbajxhani, Estonia, Kosova, Kazakistani, Lituania, Letonia dhe Andorra

VAZO 6: Malta, Moldavia, Lihtenshtejni, Gjibraltari dhe San Marino

LAJME INTERESANTE NGA INTERNETI