Lajme
Shpallet zyrtarisht vendimi: zgjedhje të parakohshme më 11 dhjetor
Kryeparlamentari i Maqedonisë, Trajko Veljanovski, zyrtarisht shpalli vendimin për zgjedhje të parakohshme parlamentare me 11 dhjetor, ndërsa përfaqësuesit e Bashkimit Evropian presin zgjedhje të lira dhe demokratike
Kryetari i Kuvendit të Maqedonisë, Trajko Veljanovski, sot dhe zyrtarisht shpalli vendimin për zgjedhje të parakohshme parlamentare në këtë shtet, që do të mbahen me 11 dhjetor, ditë e diel. Ndërsa përfaqësuesit e Bashkimit Evropian presin zgjedhje të lira dhe demokratike.
“Republika e Maqedonisë do të hyjë në një periudhë të ndërlikuar të aktiviteteve të shpeshtuara të partive politike, periudhë kjo e cila sinqerisht besoj se do të kalojë në një atmosferë të dinjitetshme, kulminacion i se cilës do të jenë zgjedhjet më 11 dhjetor, kur me një frymë festive do të duhet të zgjidhen përfaqësuesit e popullit, të cilët do ta formojnë përbërjen e re parlamentare, të nëntën me radhë të Kuvendit të Maqedonisë”, tha Trajko Veljanovski, citon INA.
Ambasadori i BE-së në Shkup, Samuel Zhbogar tha se zgjedhjet më 11 dhjetor mund ta nxjerrin vendin nga kriza politike me kusht që fushata të jetë korrekte dhe zgjedhjet të jenë të besueshme,
Ai sot mori pjesë në hapjen e Konferencës kombëtare “Ndërtimi i kulturës së bashkëjetesës: Bashkëpunim mes organizatave civile dhe vetëqeverisjeve lokale si faktor për zhvillim të dialogut ndëretnik”.
“Zgjedhjet mund ta nxjerrin vendin nga kriza politike edhe nën kusht që qeveria e re kur ta merr funksionin të kërkoj zbatim urgjent, të sinqertë dhe gjithëpërfshirës të prioriteteve reformuese”, tha Zhbogar, sipas të cilit, njëri nga kushtet themelore është edhe zbatimi i Marrëveshjes së Ohrit.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Rriten rastet e abuzimit psikologjik të fëmijëve në Zvicër Numri i rasteve të abuzimit me fëmijët e regjistruar në klinikat pediatrike zvicerane u rrit në...
-
Zvicër: Priten qira akoma më të shtrenjta gjatë vitit të ardhshëm
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit