Ekonomi
Shmanget recesioni në Gjermani
![](https://www.albinfo.ch/wp-content/uploads/2018/05/ekonomia-zvicerane.jpg)
Shpenzimet e larta shtetërore e ndihmuan Gjermaninë të shmangë recesionin në tremujorin e katërt të vitit 2018, pasi eksportet dështuan të mbështesin ekonominë në ngadalësim.
Të dhënat e detajuara, të publikuara nga Zyra Federale e Statistikave, konfirmuan se ekonomia më e madhe në Evropë u përball me stagnim në tremujorin e fundit të vitit të kaluar, pas një recesioni të lehtë në tremujorin paraardhës.
Sipas raportit zyrtar, shpenzimet shtetërore u rritën me 1.6%, duke kontribuar me 0.3 pikë përqindje në rritjen ekonomike. ndërsa, eksportet dhe importet u rritën me 0.7%, duke mos dhënë asnjë kontribut në tregtinë neto, transmeton ‘Scan’.
Konsumi privat, që ka mbështetur ekonominë në një kohë të ngadalësimit të eksporteve, u rrit me 0.2%, ndërsa kontributi në rritjen e përgjithshme ekonomike ishte 0.1 pikë përqindje. Eksportet gjermane janë dobësuar ndjeshëm gjatë muajve të fundit, për shkak të luftës tregtare mes ekonomive më të mëdha në botë dhe rënies së tregut të automjeteve, përcjell albinfo.ch.
Sipas analistëve, rregullat e rrepta të emetimit të gazrave kanë penguar shitjet në sektorin e automjeteve, si në eksport, ashtu edhe në konsumin e brendshëm. Varësia e Gjermanisë nga eksportet e bën këtë vend vulnerabël, sidomos ndaj mosmarrëveshjeve tregtare mes Shteteve të Bashkuara të Amerikës në njërën anë dhe Kinën me Bashkimin Evropian, në anën tjetër. Megjithatë, analistët dhe investitorët shpresojnë se konflikti tregtar do të zgjidhet së shpejti.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n