Gjuha
Shpërblehet romani mbi lidhjen mes tamilit dhe shqiptares
Senthili dhe Valmira nuk njihen mes vete, nuk janë takuar kurrë. Ai i shkruan asaj në facebook. Ata përshkruajnë vendet ku do të mund të takoheshin...
Çmimin promovues letrar të qytetit Bremen, ndër më të mëdhenjtë në Gjermani e ka fituar shkrimtari me prejardhje nga Sri Lanka, Senthuran Varattharajah për romanin e tij të parë “Vor der Zunahme der Zeichen” (Para rritjes së shenjës). Interesante është se në këtë roman ai përshkruan lidhjen në mes të një të riu nga Sri Lanka dhe një të reje nga Kosova. Duke rrëfyer mbi botët e tyre të prejardhjes dhe për punët që kanë bërë, ata bëjnë njëkohësisht një udhëtim studiues në gjuhën e tyre të re (gjermanishten) thuhet në arsyetimin e jurisë për ndarjen e çmimit.
Senthili dhe Valmira nuk njihen mes vete, nuk janë takuar kurrë së bashku. Senthil i shkruan Valmirës në facebook. Ata sistematikisht përshkruajnë vendet ku do të mund të takoheshin, si Universiteti i Marburgut, ku ai po ndiqte studimet, një kafene e preferuar e të dyve, Berlini ose, madje edhe Nju Jorku. Por në fund ata nuk takohen fare.
Të dy kanë ardhur në Gjermani si fëmijë të vegjël: ai nga Sri Lanka, ajo nga Kosova. Prindërit e tyre kishin ikur nga luftërat në vendet e tyre. Gjermania si vend të cilin ata sot e njohin si atdhe të tyre, gjuhën e së cilës e flasin, në fillim fare u ishte paraqitur si një grumbullim shenjash të pakuptueshme.
Varatharajah, i lindur në vitin 1984 në Sri Lanka, ka studiuar filozofinë, teologjinë ungjillore dhe shkencën mbi kulturën, në Marburg, Berlin dhe Londër. Në vitin 2014 ai ka marrë pjesë në Ditët e letërsisë në gjuhën gjermane, të 38-tat me radhë. Dhe, ndonëse nuk kishte pasur më parë asgjë të botuar, ai kishte fituar çmimin e 3Sat.
Çmimi letrar i Bremenit është një ndër çmimet më të vjetra dhe më të rëndësishme letrare në Gjermani. Është themeluar në vitin 1954. Çmimin kryesor që “peshon” 25 mijë euro e ka marrë, Terezia Mora, e lindur në Hungari, për romanin e saj “Die Liebe unter Aliens” (Dashuria në mes jashtëtokësorëve). Ndërsa çmimi promovues, i fituar nga Varattharajah, vlen 6000 euro.
Të tjera nga Gjuha
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Zgjedhjet Evropiane 2024: Një e katërta e popullsisë zvicerane ka të drejtë vote Ka më shumë votues të BE-së që jetojnë në Zvicër sesa në disa shtete anëtare. Por...
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?