Shqipëria
Shqipëri: Çlirohet turizmi, së shpejti nis vaksinimi i punonjësve të hoteleve
Punonjësit e turizmit përfshihen në planin e shpejtë të vaksinimit kundër COVID-19. Me këtë plan, vendi ynë bëhet i pari në rajon që synon të krijojë mbrojtje dhe siguri për turistët, ndërsa është mirëpritur nga tur-operatorët dhe shoqatat e biznesit.
Prej disa muajsh, shoqatat dhe operatorët turistikë, të cilët kanë përjetuar krizën më të madhe përgjatë viteve të fundit, kanë kërkuar që t’i jepet përparësi stafeve që mirëpresin turistët. Një kërkesë e tillë, duket se do të vihet në zbatim, teksa ministri Blendi Klosi ka njoftuar se kjo kategori do të përfshihet në planin e shpejtë kalendarik. Iniciativa është përshëndetur nga përfaqësues të biznesit.
Kryetari i shoqatës së Operator, Rexhep Kasmi, u shpreh se vaksinimi është zgjidhja e duhur për të afruar turistët potencialë, transmeton Euronews, përcjell Albinfo.ch.
“Si iniciativë ne e përshëndesim dhe është pikërisht ajo që neve na duhej për të dhënë një mesazh ashtu siç është edhe qëllimi i këtij vaksinimi, tek turistët që ne presim. Është një luftë e ashpër për të përfituar çdo turist që do të arrijë të lëvizë në këtë periudhë”, tha z. Kasmi.
Ndërkohë, përfaqësues të biznesit tha se shpresojnë që kjo nismë të përfshijë edhe vendet e tjera të rajonit e më gjerë.
“Jam i sigurt se kjo ide do të vidhet nga Greqia, Italia e Spanja, sepse vërtet është një sinjal që u jep siguri turistëve për të ardhur dhe për t’iu përgjigjur ofertës financiare që përgjithësisht Shqipëria e ka”, u shpreh Luan Bregasi
Sipas planit të paraqitur, do të jenë stafet e hoteleve punonjësit e guidave profesionale, dhe ata që mirëpresin turistë në muze e vende historike.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Aeroporti i Bazelit evakuohet për arsye sigurie Euroaeroporti pranë Bazelit u mbyll mbrëmjen e së mërkurës. Terminali u evakuua...
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët