Lajme
Shqipëria me “brand” turistik
Ministrja e Turizmit, Eglantina Gjermeni tha se Shqipëria do ta përmirësoj dukshëm imazhin turistik në botë, ndërsa synon krijimin e një “brandi” të ri shqiptar
Shqipëria me “brand” turistik
Shqipëria ka një pozitë të shkëlqyeshme gjeografike për zhvillimin e turizmit bregdetar dhe malor, por kërkon më shumë investime që ajo të jetë tërheqëse për vizitorët e huaj. Për ta ndërtuar imazhin turistik, autoritete në Tiranë po synojnë që Shqipërinë ta bëjnë vendim më tërheqës të Ballkanit.
Në intervistën për DW, ministrja e Zhvillimit Urban dhe Turizmit në Shqipëri, Eglantina Gjermeni thotë se synon që Shqipërinë ta bëj një vend të pastër me cilësi shërbimi si në shtetet më me renome në bëtë, madje synon të krijoj një “brand” të ri për Shqipërinë.
“Ne si qeveri kemi nisur punën për promovimin e një imazhi të ri të Shqipërisë jo vetëm në fushën e turizmit, por edhe më gjerë. Disa dikastere të qeverisë po punojmë për krijimin e një “brand” të ri për Shqipërinë në tregun botëror”, deklaroi ministrja Gjermeni.
Ajo tha se synimi është që të kthehet Shqipëria në një destinacion të preferuar turistik. Secila ambasadë apo përfaqësi e Shqipërisë, sipas saj, do të ketë një stendë me materiale për promovimin e turizmit në Shqipëri, të cilat ne si Ministri e Jashtme ua vë në dispozicion.
Ministrja Gjermeni tha se Qeveria e Shqipërisë do të marrë pjesë nëpër shumë panaire ndërkombëtare për të promovuar turizmin shqiptar.
“Ne duam që turistët që do të vijnë në Shqipëri, të qëndrojnë dhe të vlerësojnë potencialin që Shqipëria ofron. Kemi shumë punë për të bërë, por e kemi filluar me marketingun”, deklaroi ajo.
Qeveria Rama, siç tha ajo, ka vetëm gjashtë muaj që ka nisur punën dhe është e vendosur të punojë paralelisht si në fushën e promovimit ashtu edhe në atë të përmirësimit dhe zbatimit të kuadrit ligjor dhe gjithë masave të tjera për përgatitjen e vendit për sezonin e ardhshëm turistik.
“Cilësia e shërbimit, mjedisi i pastër janë ato që duam të arrijmë në këtë sezon veror në mënyrë që turistët që vijnë të mund ta shijojnë Shqipërinë. Në periudhë më afatgjatë sigurisht siç e thashë më lart krijimi i imazhit të ri, “brand” të ri për Shqipërinë”, tha ndërkaq Gjermeni.
Ndryshe, Ministrja tregoi se dje Shqipëria e ka nënshkruar një marrëveshje bashkëpunimi me Organizatën Botërore të Turizmit. Kjo marrëveshje, sipas ministres është dyvjeçare, e cila parashikon ndihmë dhe asistencë teknike për Ministrinë e Turizmit në fushën e rishikimit të legjislacionit, në fushën e hartimit të strategjisë 2014-2020 për turizmin.
“Në tetor sekretari i përgjithshëm i Organizatës Botërore të Turizmit vjen në Shqipëri me ftesë të kryeministrit Rama dhe me këtë rast planifikojmë një seminar rajonal për turizmin gjithëvjetor në kuadër të objektivit që Shqipëria të bëhet një model i zhvillimit të disa llojeve të turizmit duke qenë se natyra e saj e ofron këtë potencial: diellin, bregdetin, turizmin malor dhe ekoturizmin”, tha Gjermeni.
Të tjera nga Lajme
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Bislimi e Jashari nuk pritet të përzgjidhen nga Zvicra për Evropian Bëhet e ditur se mesfushorët Uran Bislimi e Ardon Jashari janë në grupin e lojtarëve që...
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)