Lajme
Shqipëria, pagën minimale më të ulët në Evropë
![](https://www.albinfo.ch/wp-content/uploads/2023/03/banka-e-shqiperise-587x392.jpeg)
Shqipëria mbetet me pagën minimale më të ulët në Evropë, edhe pse kohët e fundit ka shënuar një rritje të vogël duke e ngritur atë në 40 mijë lekë në muaj. Megjithatë, sipas të dhënave zyrtare nga Eurostat, paga minimale aktuale është 375 euro në muaj, e cila vazhdon të jetë më e ulëta krahasuar me vendet e tjera në rajon dhe më gjerë.
Në këtë krahasim, Mal i Zi shquhet për të pasur paga minimale më të lartë në rajon, duke arritur në 532 euro në muaj. Pas tij vjen Serbia me 460 euro. Edhe Maqedonia e Veriut ka pasur një nivel më të ulët të pagës minimale, me të dhënat e fundit nga viti 2021 që tregonin rreth 360 euro në muaj.
Megjithatë, më shqetësuese është fakti se fuqia blerëse e pagës minimale në Shqipëri është shumë e ulët krahasuar me vendet e tjera. Treguesi i përshtatjes së të ardhurave me nivelin e çmimeve, i njohur si PPS (purchasing power standard), tregon se në Shqipëri ky tregues është 549. Kjo do të thotë se me pagën minimale në Shqipëri mund të blejnë shumë më pak se sa në vendet e rajonit dhe të Bashkimit Evropian.
Për krahasim, treguesi PPS në Mal të Zi është 881, në Serbi 732 dhe sipas të dhënave të vitit 2021 në Maqedoninë e Veriut ishte 724, që është rreth 30% më shumë se sa në Shqipëri aktualisht.
Në vendet e Bashkimit Evropian situata ndryshon shumë. Pagat minimale variojnë nga 399 euro në muaj në Bullgari, ndërsa arriten deri në 2,508 euro në muaj në Luksemburg, duke treguar një ndryshim të konsiderueshëm mes këtyre vendeve.
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n