Shqiptarët e bllokuar në zonën Shengen të kthehen me ‘Air Albania’

Është bërë e ditur se mijëra qytetarë shqiptarë u gjetën të papërgatitur përballë mbylljes së kufijve nga vende të ndryshme të BE-së, përcjell albinfo.ch.

Ish-kryeministri Sali Berisha thotë se fluturimet duhet të ishin anuluar vetëm pasi të ishin marrë masa për kthimin e tyre në vend.

Por, nëse anulimi i fluturimeve me disa prej vendeve të prekura është fakt, Berisha tha në “360 Gradë” në RTV Ora se Air Albania të marrë autorizime të veçanta dhe të fluturojë vetëm për shqiptarët që kanë mbetur.

Berisha: Do të merrja çdo masë për të rikthyer shqiptarët që kanë mbetur në këto vende dhe pastaj do t’i ndërprisja. Sot më shkruanin tri vajza në Romë, ku kanë mbetur pa asnjë mjet. Një klithmë që më theri në shpirt. Air Albania të marrë autorizime të veçanta dhe të fluturojë vetëm për shqiptarë që kanë mbetur. Mirë që vendet nuk po japin ekspulso që kalojnë qëndrimin, po para kanë ata?