Futboll
Shqiptarët e Maqedonisë së Veriut gati për debutim në Evropian
Sot, Maqedonia e Veriut do të debutojë në një Kampionat Evropian
Maqedonia e Veriut është gati për sfidën e parë në një Kampionat Evropian. Ballkanasit do të përballen me Austrinë sot nga ora 18:00, në kuadër të grupit C.
Takimi tjetër i grupit zhvillohet nga ora 21:00, mes Holandës dhe Ukrainës, kurse nga ora 15:00 ndeshen Anglia dhe Kroacia, shkruan albinfo.ch.
Rruga e maqedonasve nuk ishte aspak e lehtë. Ata siguruan Evropianin përmes Ligës së Kombeve, ku kishin mundur Kosovën dhe Gjeorgjinë.
Kapiten është Goran Pandev, derisa në radhët e saj ka gjashtë futbollistë shqiptarë: Visar Musliu, Egzon Bejtullai, Ezgjan Alioski, Arjan Ademi, Enis Bardhi dhe Ferhan Hasani.
“Ndjehem shkëlqyeshëm që jam pjesë e këtij reprezentacioni që ka korrur sukses historik. Me padurim e pres fillimin e kampionatit. Shpresoj se në Bukuresht do të prezantohemi sa më mirë dhe do të arrijmë t’i gëzojmë tifozët tanë. Gjithmonë kam dhënë gjithçka nga vetja, në reprezentacionin e ri të Maqedonisë deri 21 vjeç dhe në reprezentacionin A. Duhet të sulmojmë dhe të mbrohemi. Kemi ekip të shkëlqyer, jemi të përgatitur për Euro 2020”, u shpreh Bejtullai.
“Unë mendoj që kemi 3 ndeshje shumë të vështira, nuk duhet të anashkalohet asnjëra. Maqedonia është këtu me shumë vullnet me shumë ambicie që të jap maksimumin në secilën lojë. Gjërat personale, a do të kem mundësi të jem startues, po ose jo apo në minutat në vazhdim, nuk më preokupojnë shumë sepse për atë gjë vendos trajneri, unë jam në së shumti i gëzuar që jam pjesë e këtij grupi e këtij suksesi. Shpresoj që ta kemi shëndetin dhe ta japim maksimumin në fushën e gjelbër”, theksoi Enis Bardhi.
Ndeshja do të zhvillohet në Bukuresht të Rumanisë.
E-Diaspora
-
Lea Ypi, “Një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër