Shqiptaro-zviceranët dhe Zgjedhjet Federale 2015
Shqiptarët e “Second@s plus”-it, drejt Parlamentit të Zvicrës
Blerta Berisha, Berat Pulaj dhe Vilson Nuaj janë tre kandidatët shqiptarë që garojnë në zgjedhjet nacionale nga Lucerni nëpërmjet subjektit “Second@sPlus”.
29-vjeçarja me origjinë nga Kosova synon të sjellë solidaritet për kufij. “Njerëzit nuk bën të ilegalizohen. Politika jonë e azilit është e padenjë për njeriun. Kjo duhet të ndryshohet menjëherë, sepse arratisja (ikja nga vendi i prejardhjes) nuk është krim”, thotë politikania shqiptare.
Berat Pulaj
Edhe Berat Pulaj, nëpunës, student i shkencave politike, i cili garon në radhët e listës Second@s, pret mbështetjen e të gjithëve, sidomos të të huajve, ngase Second@s Plus ka në fokus migracionin dhe integrimin. “Duhet të jetë e drejtë e secilit të marrë pjesë në vendimmarrje. Ai që jeton në Zvicër dhe paguan taksat duhet t’i letohet edhe vendimmarrja”, tha Pulaj.
Ndërsa për Vilson Nuaj, pedagog social, nëse zgjidhet deputet nacional, gjuha është çelësi për integrim. “Gjuha është një faktor integrimi. Numër 1 hap perspektiva të reja për një të ardhme të suksesshme. Për një integrim të suksesshëm social dhe profesional emigrantëve duhet t’u ofrohen oferta adekuate për mësimin e gjuhës”, tha Nuaj nga Lucerni.
Lidhur me shanset e kandidatëve shqiptarë dhe objektivat e Second@s Plus flet për albinfo.ch presidenti i kësaj organizate politike në Lucern, njëherësh anëtar i kryesisë së Partisë Socialdemokrate në nivelin kantonal, Avni Binaku.
Gara për të zënë një ulëse në parlamentin nacional është shumë e fortë dhe ka shumë kandidatë nga të gjitha partitë politike në Zvicër.
“Organizata politike «Second@s Plus» garon në zgjedhjet nacionale me listën e vet. Ajo, me neozviceranët pretendon të participojë dhe të jetë aktive edhe në nivelin nacional dhe të mbrojë interesat e të gjithë qytetarëve që jetojnë në Zvicër, por me theks të vacantë të atyre që kanë preardhje të mirgrimit”, tha Avni Binaku.
Shanset për të fituar nuk janë shumë shpresëdhënëse
“Si president, por edhe si koordinator i disa zgjedhjeve të kaluara, si ato komunale, kantonale dhe nacionale mund të kalkulojë se shanset për të fituar nuk janë shumë shpresëdhënëse, pasiqë konkurrenca për t’u zgjedhur deputet nacional është shumë e madhe. Është shumë e rëndësishme, duhet të bëhet një strategji e mirë si nga ana e strukturave udhehëqëse të partive, si dhe nga ana kandidatëve, të cilët pretendojnë për t’u ngjitur në pikën më të lartë politike, siç është Parlamenti nacional”, thotë më tutje Binaku.
Për Binakun është shumë e rendësishme të theksohet se të rinjtë shqiptarë që kandidojnë kanë potencial shumë të madh, vetëm se atyre iu duhet mbështetje të votuesve dhe të atyre që kanë eksperiencë në jetën politike dhe shoqërore në Zvicër.
Kandidatët shqiptarë kanë në fokus të angazhimit të tyre këto politika:
E drejta për të votuar dhe për t’u zgjedhur në nivelin komunal dhe kantonal pa natyralizim, Heqjen e barrierave, uljen e burokracisë së lartë dhe të pagesave të larta për natyralizim, Të drejtat e barabarta për shkollim pa dallim gjinie, race, feje dhe etnie, Të moshuarit dhe migracioni – përkujdesja ndaj të moshuarve me prejardhje emigracioni,Integrimi apo zhvillimi i migrantëve në kontekstin gjuhësor dhe më gjerë, Mbrojtja e vlerave të solidaritetit dhe humanizmit të shtetit helvetik, Ulja e kostos së banimit për disa kategori njerëzish.
10 vjet të “Second@s Plus”
Organizata politike Second@s Plus ka kontribuar qe 10 vjet me sukses kundër politikave diskriminuese në Zvicër. Pjesëmarrja e tyre aktive në iniciativat e ndryshme në nivelin komunal, kantonal dhe nacional ka treguar një sinjal të fuqishëm për mundësinë e ndryshimeve pozitive në jetën e të gjithë qytetarëve pa dallim race, etnie apo fetare.
Të tjera nga Shqiptaro-zviceranët dhe Zgjedhjet Federale 2015
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?