Shqipëria

Shqiptarët patriotë: Zgjedhin më shumë Shqipërinë për pushime

178 mijë shtetas shqiptarë që kanë hyrë më shumë në Shqipëri, krahasuar me muajt qershor-korrik të një viti më parë

Turistët shqiptarë zgjodhën vendin e tyre për t’u relaksuar, ky është rezultati për gjysmën e parë të verës.

Nisur nga shifrat e siguruara për periudhën qershor-korrik 2018 janë 178 mijë shtetas shqiptarë që kanë hyrë më shumë në Shqipëri, krahasuar me  muajt qershor-korrik të një viti më parë.

Nisur nga shifrat e bëra publike për televizionin SCAN nga Policia e Shtetit rezulton se ky numër është në rritje duke përjashtuar muajin gusht që është  periudha që lëvizjet janë më të shumta të cilat mund të ndryshojnë trendin  pavarësisht nëse janë shtetas që vijnë për  turizëm ose jo.

Ajo që vihet re nga të dhënat është se nuk është i njëjti trend sa i takon daljeve të shtetasve shqiptar jashtë kufirit,  lidhur me daljet rezulton e kundërta të paktën për dy muajit qershor dhe korrik 2018, përcjell albinfo.ch.

Nga përllogaritjet e shifrave rezulton se janë 30 mijë shtetas shqiptarë më pak të cilët kanë dal jashtë kufirit.

Kjo do të thotë se shumë shqiptarë kanë përzgjedhur ti kalojnë ditët e nxehta të qershorit dhe korrikut në vendlindje dhe një numër më i vogël se në 2017 kanë preferuar ti kalojnë  jashtë kufirit.