Lajme
Liridon Aliti doktoron në Universitetin e Kopenhagës
27-vjeçari shqiptar ka marrë gradën doktor shkence
Të rinjtë shqiptarë që jetojnë në diasporë po vazhdojnë të tregojnë rezultate të shkëlqyeshme dhe të jashtëzakonshme edhe në shkencë.
27-vjeçari Liridon Aliti, që jeton në Copenhagen të Danimarkës, pas tre vjet studimesh ka arritur të doktorojë në fushën e Teknologjisë ‘Nano’, transmeton albinfo.ch.
Pasi përfundoi fakultetin dhe masterin në Fakultetin e Shkencave Natyrore-Nanoshkencë në Universitetin e Kopenhagës, mbrojti me sukses të shkëlqyer tezën e doktoratës të titulluar “Qasje mikrofluide për aplikimet biologjike duke përdorur nanostrukturat vertikale 3D”.
Sot ai është Doktor Shkence dhe anëtarët e komisionit e kanë ngritur lart punën dhe përkushtimin e të riut shqiptar Liridon Aliti.
Po ashtu, rezultatet e Liridon Alitit janë inkurajuese dhe dëshmi se një numër talentesh shqiptarë kanë arritur të depërtojnë në universitetet më prestigjioze në botë. Puna e Liridonit për të arritur deri në gradën e doktoratës në Nanoshkencë duhet të shërbejë si shembull i mirë që duhet të ndjekin shumë të rinj që janë në shtetet e demokracive perëndimore. /Albinfo.ch
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit