Lajme
Shqiptari prezantoi librin e tij me rrëfime në Universitetin e Harvardit
Faton Bislimi ndihmon edhe studentët shqiptarë të kryejnë studime në SHBA dhe Kanada.
Autori dhe filantropisti shqiptar, Faton Bislimi, ka prezantuar në Universitetin e Harvardit librin e tij me rrëfime mbi shpëtimin e hebrenjve nga shqiptarët gjatë Holokaustit në SHBA, shkruan albinfo.ch.
Gjatë studimeve dhe qëndrimit të tij në SHBA, Bislimi ka bashkëpunuar ngushtë me Ligën Qytetare Shqiptaro-Amerikane për çështjet shqiptare. Ai njihet edhe si filantropist i suksesshëm; përmes fondacionit arsimor, Bislimi ndihmon studentët shqiptarë të kryejnë studime në SHBA dhe Kanada.
Në profilin zyrtar të tij në Facebook, Faton Bislimi ka shkruar se është i nderuar që pati mundësi të prezantojë librin e tij me rrëfime në Universitetin e Harvardit.
“Sot, pata nderin e veçantë që në bibliotekën e John F. Kennedy School of Government, Harvard University (Shkollës Postdiplomike të Qeverisjes, Universiteti i Harvardit), se bashku me miq të mirë të dorëzoj librin tim mbi rrëfimin e shpëtimit të hebrenjve nga shqiptarët gjatë Holokaustit! Ky rrëfim, që në këtë libër vjen edhe si kontribut i punës së jashtëzakonshme akademike dhe hulumtuese të znj. Shirley Cloyes DioGuardi, Kongresistit DioGuardi, z. Leke Rezniqi nga Shoqata e Miqësisë Kosove-Izrael, e z. Agim Alickaj, tash e tutje do të jetë në dorën edhe të hulumtueseve të Harvardit”, ka shkruar Bislimi.
“Krenar me kontributin heroik të popullit tonë në periudhën më të rëndë të historisë moderne evropiane! Krenar me “besën” si virtytin e traditën tonë që ka qenë bazament i karakterit shqiptar, e që sot na duhet më shumë se kurrë”, ka pëfunduar ai në postimin e tij. /Albinfo.ch.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut