Shtetet evropiane po i kthehen termocentraleve me thëngjill

Foto: Facebook/ DroneZone

Ndërsa Rusia po kërcënon të kufizojë furnizimet me gaz gjatë dimrit, disa vende evropiane po përpiqen të sigurojnë energji për periudhën më të ftohtë të vitit.

Nga ana tjetër, kjo do të thotë të heqësh dorë nga premtimet klimatike në favor të ringjalljes së termocentraleve me thëngjill.

Agjencia Ndërkombëtare e Energjisë (IEA) ka paralajmëruar se Evropa duhet të jetë gati me faktin se Rusia do të ndërpresë të gjitha eksportet e gazit gjatë dimrit. Ndërsa pranohet se ky nuk është skenari i mundshëm, ai mund të jetë në tavolinë teksa vendi kërkon të fitojë terren në raport me pushtimin në Ukrainë.

Shefi i IEA, Fatih Birol tha për financialtimes se masat e marra nga qeveritë evropiane nuk kanë shkuar aq larg sa duhet për të garantuar gatishmërinë e furnizimit me energji për një ndërprerje të mundshme. Ai shtoi se blloku ka nevojë për një plan të ri – veçanërisht kur bëhet fjalë për gazin.

Dhe ndërsa BE-ja po punon për të reduktuar varësinë nga karburantet fosile ruse, disa shtete anëtare paralajmërojnë se kjo mund të nënkuptojë djegien e më shumë qymyrit për të kapërcyer hendekun energjetik.

Javën e kaluar, Rusia uli kapacitetin e gazsjellësit Nord Stream 1 me 60 për qind, duke fajësuar një problem teknik. Kjo është një nga mënyrat kryesore në të cilën vendi sjell gazin e tij në Evropë.

Gjermania dhe Austria njoftuan një rinisje emergjente të termocentraleve me qymyr të dielën. Holanda po ndjek të njëjtin shembull, duke hequr të gjitha kufizimet për termocentralet me lëndë djegëse fosile. Më parë, ato ishin të kufizuara në pak më shumë se një të tretën e prodhimit të energjisë elektrike të vendit.

Vende të tjera të BE-së, përfshirë Italinë, pritet të futin në funksion termocentralet e tyre të vjetra me qymyr ndërsa kriza energjetike po përkeqësohet.

Në një raport të fundit, IEA njoftoi se gati 2.3 trilionë euro do të investohen në sektorin e energjisë këtë vit – duke përfshirë shpenzimet rekord për energjinë e rinovueshme.

Agjencia zbuloi se investimet në naftë dhe gaz nuk mund të plotësonin kërkesën në rritje për energji pa një zhvendosje drejt teknologjisë më të pastër.

“Ne nuk mund të lejojmë të injorojmë krizën e sotme globale të energjisë ose krizën klimatike, por lajmi i mirë është se ne nuk duhet të zgjedhim mes tyre – ne mund të merremi me të dyja në të njëjtën kohë”, tha Birol.