Lajme
Shtetet gjermane propozojnë rregulla për Krishtlindje dhe Vitin e Ri
16 shtetet e Gjermanisë kanë rënë dakord mbi rregullat e veçanta për sezonin festiv.
Nga thirrja e punëdhënësve për të ofruar pushime në kompani, deri te lejimi i grupeve me deri në 10 persona për t’u takuar.
Shtetet do të diskutojnë planet e tyre me Kancelaren Angela Merkel të mërkurën. Kjo vjen pasi Merkel bëri thirrje për masa më të ashpra javën e kaluar, por shtetet refuzuan ndryshimet. Në vend të kësaj, një seri rekomandimesh u bënë në një thirrje për publikun.
Shtetet propozojnë që nga 23 dhjetori deri më 1 janar, takimet me një maksimum prej 10 personash do të jenë të mundshme, edhe nëse vijnë nga familje të ndryshme. Fëmijët nën 14 vjeç janë të përjashtuar nga ky rregull, kështu që nuk do të përfshihen në numrin e përgjithshëm të njerëzve, përcjell albinfo.ch.
Krerët e qeverisë po u bëjnë thirrje njerëzve të kryejnë vetëkarantinë për sa më shumë ditë para Krishtlindjeve”.
Kjo mund të mbështetet me pushimet e shkollës nga 19 dhjetor 2020″, thuhet në projektvendim. Vetëkarantina ka për qëllim të minimizojë rrezikun e infeksioneve të koronavirusit gjatë festave.
Në luftën kundër niveleve të larta të infeksioneve, shtetet gjithashtu duan të kërkojnë mbështetje nga punëdhënësit. Firmat duhet të marrin në konsideratë nëse vendet e punës mund të mbyllen ose nga pushimet e ndërmarrjeve ose nga një zgjidhje bujare e zyrës në shtëpi nga 23 dhjetor deri më 1 janar, përcjell albinfo.ch.
Shtetet gjithashtu ranë dakord të forcojnë rregullat e kontaktit. Nga 1 dhjetori, sipas planit, takimet private do të lejoheshin vetëm mes anëtarëve të dy familjeve, me një maksimum prej pesë personash.
Sipas propozimeve, maskat duhet të jenë të detyrueshme në hapësirat e brendshme publike dhe në vendet e ngarkuara.
Krerët e shteteve gjithashtu dëshirojnë që maska të përdoret në të gjitha vendet e punës. Përjashtim është nëse mund të ruhet një distancë prej 1.5 metra nga njerëzit e tjerë.
Debati mbi ndalimin e fishekzjarrëve në prag të Vitit të Ri ka qenë veçanërisht i nxehtë ditët e fundit, por shtetet po përpiqen të arrijnë një marrëveshje./Albinfo.ch
Të ngjashme
Të tjera nga Lajme
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër