Lajme
Shteti që po bën gati ligjin për konfiskimin e kriptovalutave
Rusia është duke përgatitur ndryshime në legjislacionin aktual për të lejuar konfiskimin e pasurive të kriptove që do të rezultojnë të ardhura nga krimi
Prokurori i Përgjithshëm rus, Igor Krasnov, ka zbuluar se ndryshimet legjislative për konfiskimin e pasurive të kriptos janë në zhvillim e sipër.
“Një sfidë serioze është përdorimi kriminal i kriptovalutave në vendin tonë”, tha ai.
Rusia është duke përgatitur ndryshime në legjislacionin aktual për të lejuar konfiskimin e pasurive të kriptove që do të rezultojnë të ardhura nga krimi, njoftoi agjencia ruse e lajmeve “Tass”, të mërkurën.
Krasnov tha se pasuritë virtuale janë bërë një burim i të ardhurave për kriminelët, duke theksuar se kriptovalutat po përdoren edhe për korrupsion.
“Denduria e veprimeve kriminale si ryshfeti, është përkeqësuar kohët e fundit nga përdorimi i aseteve të kriptove”, pohoi ai, duke shtuar se shkëmbimet e monedhave të kriptos janë përdorur si “një mënyrë për pastrimin e fondeve të vjedhura”.
Prokurori i Përgjithshëm vuri në dukje se miratimi i ligjit për pasuritë digjitale, në korrikun e vitit të kaluar, ishte “një hap i rëndësishëm në tejkalimin e këtij problemi”.
“Një sfidë serioze është përdorimi kriminal i kriptovalutave në vendin tonë… aktualisht, po punohet për ndryshimin e legjislacionit procedural penal”.
Rusia nuk është i vetmi vend që po ndërmerr politika rregulluese ndaj kriptovalutave.
Të mërkurën, Spanja gjithashtu kaloi një ligj, i cili u kërkonte të gjithë poseduesve të kriptovalutave të deklaronin asetet e tyre, në mënyrë që të paguajnë taksa.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit