Shtrenjtë për britanikët ndarja nga BE-ja

Nëse Britania e Madhe largohet nga Bashkimi Evropian mund të ketë humbje të përhershme të 2.2 për qind të PBB-së në periudhën deri më 2030, paralajmëron instituti Open Europe.
GDP britanike deri më 2020 do të jetë 1,6 për qind më e lartë në rast se Britania mbetet në BE, por punëtorët britanikë do t’i jenë ekspozuar një rritjeje të konkurrencës nga vendet me kosto më të ulëta të punës.

Skenarët më të favorshme përfshijnë humbjen e përhershme të 0.8 për qind të PBB-së, në rast se Britania arrin një marrëveshje të tregtisë së lirë me BE-në, por jo me vende të tjera, ose duke rritur GDP me 0.6 për qind në rast të arritjes së një marrëveshjeje me vende të tjera të botës.

Tema e daljes së Britanisë nga BE-ja u bë aktuale pas rritjes të popullaritetit të Partisë për pavarësi të Mbretërisë së Bashkuar (UKIP), e cila kundërshton britanikët të hyjnë në BE.
Për të neutralizuar këtë popullaritet Partia Konservatore ka premtuar që më 2017 të mbajë një referendum për të qëndruar vendi në BE.