Shumë kompani gjigante po largojnë mijëra punëtorë nga puna

Papunësia në gjithë Evropën është rritur për shkak të pandemisë koronavirus me kompanitë ajrore dhe sektorin e automobilave, duke bërë disa nga zvogëlimet më të mëdha të vendeve të punës.

Rreth 397,000 njerëz në Bashkimin Evropian humbën punën e tyre në prill, sipas të dhënave nga agjensia e statistikave të BE-së, lëshuar në qershor.

Shkalla e papunësisë në BE u rrit në 6.6% në prill, nga një nivel i ulët 12-vjeçar prej 6.4% muajin e kaluar, sipas Eurostat.

Shumë kompani gjigante në botë kanë paralajmëruar numër të madh të punëtorëve që dot ë largojnë nga puna, raporton euronew.com, përcjell albinfo.ch

Gjigandi britanik i naftës ‘BP’ njoftoi se ka në plan për të larguar 10,000 punëtor për shkak të krizës që ka shkatuar koronavirusi, i cili ka zvogëluar kërkesën globale për naftë dhe nga ana tjetër çmimet e saj.

‘Mulberry’, marka në Mbretërinë e Bashkuar e njohur për mallrat e saj prej lëkure dhe çanta të shtrenjta tha të hënën se do të shkurtojë 25% të forcës së saj të punës në të gjithë botën.

Ndërmarrja e shërbimeve të aviacionit Swissport tha që mund të largojë nga puna 4556 punëtor në Mbretërinë e Bashkuar dhe Irlandë.

‘British Airways’ njoftoi në fund të prillit se do të largojë 12,000 punëtor nga fuqia e saj e punës prej 42,000 personash për shkak të shkatërrimit që ka bërë koronavirusi në industrinë e udhëtimeve.

Linja ajrore me kosto të ulët ‘EasyJet’ gjithashtu ka njoftuar se do të ndërpres punët në vazhdën e koronavirusit.

Kompania tha se 30% e forcës së saj të punës do të zvogëlohet, që arrin në rreth 4500 vende pune.

Prodhuesi francez i automobilave ‘Renault’ njoftoi në fund të majit se do të detyrojë 15,000 vende pune në të gjithë botën, ndërsa përpiqet të shuajë rënien e shitjeve të makinave, për shkak të koronavirusit, përcjell albinfo.ch.

Firma anglo-gjermane e udhëtimit ‘Tui’ njoftoi më 13 maj se do të largojë 8,000 punëtor në të gjithë botën.

Linja ajrore gjermane ‘Lufthansa’ tha në 11 qershor se do të largoj 22,000 punëtor, shumicën prej tyre në Gjermani.

Ndërsa ‘Skandinavia Airlines’ (SAS) njoftoi 5,000 punëtor, gati gjysma e numrit të përgjithshëm të të punësuarve do të humbasin punën e tyre përgjithmonë.

Kompania, në pronësi të pjesshme nga Suedia dhe Danimarka, tha që ulja e mundshme e fuqisë punëtore do të ndahej me afro 1.900 pozicione në Suedi, 1.300 në Norvegji dhe 1.700 në Danimarkë.

 

 

---