Lajme
Shumica e gjermanëve, pro mbajtjes së maskës në transportin publik
Qeveria gjermane po diskuton një projektligj për rivendosjen e kësaj mase në përpjekje për të përballuar pandeminë e koronavirusit gjatë vjeshtës dhe dimrit.
Sipas rezultateve të një anketimi, shumica e qytetarëve në Gjermani vazhdojnë të mbështesin mbajtjen e detyrueshme të maskës në mjetet e transportit publik.
Ndërkohë Qeveria gjermane po diskuton një projektligj për rivendosjen e kësaj mase në përpjekje për të përballuar pandeminë e koronavirusit gjatë vjeshtës dhe dimrit.
Sipas sondazhit të porositur nga agjencia gjermane e lajmeve DPA dhe i realizuar nga instituti “YouGov”, rreth 63% e të anketuarve mbështesin rregullin e maskës së detyrueshme në mjetet e transportit publik, përcjell Albinfo.ch.
Afër 58% e të pyeturve mbështesin mbajtjen e detyrueshme të maskës në udhëtimet në distanca të largëta me tren apo avion, ndërsa 24% e tyre janë kundër këtij rregulli.
Ndërkohë, një përqindje më e ulët njerëzish, rreth 46% e tyre, mbështesin idenë e mbajtjes së detyrueshme të maskës në hapësirat publike apo në dyqane.
Po ashtu, vetëm 29% e të anketuarve thanë se mbajtja e maskës duhet të jetë e detyrueshme në shkolla.
Mbështetja për këtë masë anti-Covid ndryshon ndjeshëm edhe në bazë të pikëpamjeve politike të të anketuarve, bëhet e ditur sipas rezultateve të sondazhit. Kështu, përkrahësit e Partisë së Gjelbër mbështesin mbajtjen e maskës, kurse kjo ide gëzon shumë më pak mbështetje në mesin e votuesve të partisë së djathë Alternativa për Gjermaninë (AfD). Rreth 51% e të anketuarve në mesin e këtij grupi votuesish u shprehën në përgjithësi kundër mbajtjes së detyrueshme të një maske.
Javën e kaluar, ministri i Shëndetësisë, Karl Lauterbach dhe ministri i Drejtësisë, Marco Buschmann, prezantuan një sërë masash të reja anti-Covid që pritet të hyjnë në fuqi në vjeshtë.
Mes të tjerash, projektligji i tyre përcakton që mbajtja e maskave të jetë e detyrueshme gjatë udhëtimeve me trena në distanca të largëta, gjatë udhëtimeve me avion, si edhe në spitale dhe qendra shëndetësore.
Qeverive lokale të landeve gjermane do t’u duhet të vendosin vetë nëse do të kërkojnë mbajtjen e detyrueshme të maskave në ambiente të mbyllura./Albinfo.ch
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?