Lajme
Sigurimi shëndetësor do të mbulojë terapinë e shtrenjtë kundër kancerit
Kostoja e kësaj terapie është shumë e lartë. Ajo mbërrin në disa qindra mijë franga
Disa nga fondet e sigurimit shëndetësor të Zvicrës kanë filluar me veprim të menjëhershëm mbulimin e një terapie të kushtueshme qelizore për pacientët e kancerit. Bëhet fjalë për fondet si: CSS, Swica, Helsana, Sanitas dhe KPT. Këshilli Federal ka miratuar marrëveshjen përkatëse tarifore, thuhet në një komunikatë të qeverisë së vendit.
Sipas Këshillit Federal, me pajtimin e realizuar me këto 5 fonde, praktikisht është arritur që të mbulohen rreth 60 për qind të të siguruarve shëndetësorë në Zvicër, transmeton albinfo.ch.
Në terapinë e njohur me emrin CAR-T-Zelltherapie, modifikohen gjenetikisht qelizat e bardha të gjakut të pacientëve, në mënyrë që ato t`i identifikojnë qelizat kancerogjene dhe të mund t`i sulmojnë ato. Një terapi e tillë përdoret kundër leukemisë.
Kostoja e kësaj terapie është shumë e lartë. Ajo mbërrin në disa qindra-mijëra franga, përcjell albinfo.ch. Deri më tash, kjo kosto është mbuluar vetëm në raste të veçanta nga fondet e sigurimit shëndetësor.
Lejen për të futur në funksion këtë formë të re terapie e kishte marrë kompania e madhe farmaceutike zvicerane nga Bazeli, Novartis, në vitin 2018.
Marrëveshja në mes të sigurimeve shëndetësore dhe spitaleve lidhur me mbulimin e terapisë së përmendur vlen deri në fund të vitit 2020. Pas kësaj date, sipas Zyrës Federale për Shëndetësi (BAG) terapia do të futet në kuadrin e strukturës tarifore për shërbimet spitalore.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?