Kosova
Simulohet një aksident ajror në aeroportin “Adem Jashari”
Në kuadër të një ushtrimi gjithëpërfshirës, gjatë ditës së sotme është simuluar një aksident ajror në aeroportin “Adem Jashari” në Prishtinë, ku është reaguar në përputhje me standardet e Agjencisë Evropiane për Siguri në Aviacion, raporton KosovaPress.
Në mënyrë të inskenuar, mbi pesëdhjetë persona janë “lënduar” pas rrëzimit të një aeroplani dhe të gjitha ata kanë marrë trajtimin e duhur nga organet përgjegjëse.
Drejtori i Operimeve të Aeroportit, Adem Gashi, u shpreh se qëllimi i këtyre ushtrimeve është që t’i testojnë kapacitetet e tyre sa janë në gjendje t’i përballojnë rastet e mundshme të fatkeqësive që mund të ndodhin.
“Qëllimi i këtyre ushtrimeve është që vërtet t’i shohim dhe t’i testojmë kapacitetet tona edhe si aeroport, por edhe si shtet që në raste të fatkeqësisë të japim maksimumin që të shpëtojmë jetë të njerëzve dhe t’i minimizojmë dëmet në njerëz si dhe në të mira materiale. Prandaj, ushtrimi ka filluar me kohë, janë të gjithë skenarët të përfshirë, evakuimi i pasagjerëve, arritja e të gjitha agjencive shtetërore, transferimi i të lënduarve nga pika e aeroportit tek spitalet, etj”, tha ai.
Sa i përket sigurisë së aeroportit “Adem Jashari”, drejtori Gashi tha se janë të sigurt dhe i përmbushin të gjitha standardet.
“Ne jemi aeroport i përgatitur në bazë të standardeve të IKO-së, aneksit 14 për kategorinë e aeroportit. Ne kemi numër të mjaftueshëm të pajisjeve të njerëzve, si dhe të procedurave të tjera, të cilat mundësojnë që të mbërrijmë në vendin e aksidentit. Do të thotë që jemi të sigurt dhe i përmbushim standardet për kategorinë të cilën e kemi”, u shpreh ai.
Ky ushtrim gjithëpërfshirës ndodh çdo dy vjet në aeroportin “Adem Jashari” në Prishtinë dhe marrin pjesë Policia, FSK, zjarrfikësit, Agjencia e Emergjencave etj.
Fotot nga ngjarja e inskenuar mund t’i shihni këtu.
Të ngjashme
Të tjera nga Kosova
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe