Lajme
Sllovenia zgjedh presidenten e parë femër
Sllovenia do të drejtohet për herë të parë nga një grua.
Sllovenia do të drejtohet për herë të parë nga një grua, ajo është avokatja Natasa Pirc Musar, e cila u zotua të garantojë të drejtat kushtetuese dhe demokracinë, përcjell albinfo.ch.
Rezultatet paraprake të zgjedhjeve që u mbajtën të dielën, nxorën fituese të raundit të dytë avokaten Natasa Pirc Musar.
Pirc Musar, 54 vjeçe, fitoi 53.86 për qind të votave në balotazh, ndërsa rivali e saj, politikani i krahut të djathtë dhe ish-ministri i Jashtëm, Andze Logar, fitoi 46,14 për qind, sipas të dhënave të Komisionit Zgjedhor.
49.9 për qind e zgjedhësve morën pjesë në këto votime. Në fjalimin e saj të parë, ku shpalli edhe fitoren, avokatja Natasa Pirc Musar tha se do të bëjë çmos që të jetë një presidente për të gjithë, duke punuar për garantimin e të drejtave kushtetuese të njerëzve dhe forcimin e demokracisë.
Pirc Musar, një ish-prezantuese televizive, që u bë më pas një avokate me ndikim të fortë, bëri fushatë për të drejtat e njeriut, sundimin e ligjit dhe çështjet e mirëqenies sociale.
Në fjalimin e saj para votimeve ajo trajtoi edhe problemin e ndryshimeve klimatike. Megjithëse roli është kryesisht ceremonial, presidenti në Slloveni është komandant i përgjithshëm i forcave të armatosura dhe gjithashtu emëron disa zyrtarë të lartë, duke përfshirë guvernatorin e Bankës Qendrore. Shumica e zgjedhjeve të Presidentit kërkojnë edhe konfirmim nga Parlamenti.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
Pse kaq shumë organizata sportive ndërkombëtare kanë bazën në Zvicër? Zvicra është tronditur nga lajmi se FIFA ka ndryshuar rregullat e saj për të lejuar lëvizjen...
-
Katër mërgimtarët që udhëtuan nga Zvicra në Strugë me biçikletë
-
Rrëshqitja e dheut në Schwanden: Komuniteti po shkatërron 15 ndërtesa
-
Qyteti kundër kantonit në Cyrih: Mosmarrëveshja ligjore mbi Rosengartenstrasse përshkallëzohet
-
Gati gjysma e specieve të bletëve zvicerane në “listën e kuqe” të rrezikut të ekzistencës