Kultura
Sonte, koncerti i parë i xhazit me bendin “Guralumi” dhe Fatjeta Barbullushin
Fatjeta Barbullushi krahas maestros Gjon Guralumit në piano, do të prezantohen me këngë xhazi të kënduara në gjuhën shqipe, frënge, italiane, gjermane dhe retromane
Sonte, më 28 nëntor, pikërisht në ditën e Festës së Flamurit, në Cyrih do të mbajë një koncert këngëtarja e njohur nga Shqipëria, tashmë me qëndrim në Zvicër, Fatjeta Barbullushi me grupin e njohur “Guralumi”. Kështu, Barbullushi krahas maestros Gjon Guralumit në piano, do të prezantohen me këngë xhazi të kënduara në gjuhën shqipe. Ndërsa në këto mbrëmje (do të jenë tri mbrëmje rresht) do të lexohen poezi në gjuhët e vendit: frënge, italiane, gjermane dhe retromane.
Në përgjithësi, “Guralumi” njihet për kultivimin e këngëve nga repertori shqiptar, i përpunuar në stil xhazi. Në koncertet e pritshme në Cyrih, grupi së bashku me këngëtaren Barbullushi vjen me albumin “Lule bore”, të frymëzuar ga simbolika e lules së njohur nga vendlindja, shkruan albinfo.ch. Grupi e gjen motivin në ngjyrat unike të tonit të zërit të këngëtares që kombinohet shumë mirë me tingujt e pianos të Gjon Guralumit. Guralumi,
Koncertet zhvillohen në kuadrin e programit “Transkulturelle Jazzpoesie” (Poezi transkulturoree e xhazit) që është pjesë e një projekti më të gjerë. Mbrapa gjithë kësaj qëndron shoqata “Secondo Theaterfestival”, në krye të së cilës është Gjyle Julie Krasniqi. Ky festival, konkurs dramash, vitin e ardhshëm shënon 10 vjetorin e themelimit.
Siç tregon znj. Krasniqi për albinfo.ch, Projekti “Camp 1” që u dedikohet takimeve teatrore me amatorë por edhe me profesionistë që punojnë vullnetarisht, ka një kohëzgjatje të gjerë, nga 1 marsi 2017 deri më 1 mars 2019. Ai është mbështetur nga Zyra Federale për Kulturë e Zvicrës, institucione të ndryshme qytetesh, fondacione dhe persona privatë.
Në kuadrin e projektit do të debatohet dhe hulumtohet lidhur me temën e migrimit, gjithnjë duke pasur në sfond teatrin dhe kulturën.
“Ne konstatojmë se po jetojmë në një shoqëri postmigrante dhe transkulturore, pasi që lëvizje migrimi ka pasur gjitjmonë. Kjo është arsyeja që ne e vendosim projektin në hapësirën e një kampi. Ne e kuptojmë këtë si një fushë të hapur, në të cilën janë të mundura takimet dhe këmbimi i përvojave në mes të krijuesve amatorë të teatrit nga kultura të ndryshme”, thuhet në konceptin e projektit, shkruan albinfo.ch. Dhe përfundimisht, duke qenë se popullata me prejardhje të huaj nuk ndihet e prezantuar sa duhet në skenën teatrore dhe kulturore të Zvicrës në përgjithësi, “Cam 1” është një platformë e mirëssardhur që i ofrohet kësaj popullate.
Koncertet do të mbahen më 28, 29 dhe 30 nëntor, gjithnjë me fillim në orën 20.
Biletat: një orë para koncertit, në arkën e teatrit dhe në bar.
Rezervimet: [email protected]
Adresa:
Theater STOCK, Hirschengraben 42
8001, Zürich
Info rreth ngjarjes
- Data e fillimit28 Nëntor 2017
- Ora20:00
- LokacioniZürich
- Data e përfundimit21 Nëntor 2017 - 13:00
Të tjera nga Kultura
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter