Sonte vendoset nëse UBS merr bankën Credit Suisse

Kohët e fundit Credit Suisse ka qenë nën presion për mundësinë e një shitjeje. Credit Suisse, UBS, SNB dhe Finma pritet të arrijnë një dakordim bashkimi historik të dy bankave këtë të shtunë në mbrëmje. Rregullatorët në SHBA dhe Zvicër po shqyrtojnë strukturën ligjore të një transaksioni dhe koncesionet e ndryshme të kërkuara nga UBS, thonë burimet e Financial Times, shkruan 20minuten, përcjell albinfo.ch.

Ky bashkim do t’i mundësonte bankës të përmbushë gradualisht të gjitha kërkesat për kapitalin global, po ashtu edhe do të ishte një lloj kompensimi me qeverinë federale për të mbuluar kostot e ardhshme ligjore, raporton 20minuten, përcjell albinfo.ch.

Sipas informacioneve, po insistohet të arrihet një marrëveshje para se tregjet të rihapen të hënën. Megjithatë, CS ka mohuar se është në shitje, përkundër faktit që burime të Financial Times thonë që kjo do arrihet.

---